13:03, 05 - ماۋسىم 2020 | GMT +6
الماتىدا 7 مىڭ ادامعا ارنالعان مەشىت بوي كوتەرەدى
لماتى. قازاقپارات - الماتىنىڭ الاتاۋ اۋدانىندا جەكە ينۆەستورلاردىڭ قاراجاتىنا جاڭا مەشىت بوي كوتەرەدى، دەپ حابارلايدى قازاقپارات ءتىلشىسى.
قۇرىلىسى ەندى باستالعان مەشىت ءبىر مەزەتتە 7 مىڭ كەلۋشىنى قابىلداي الادى. بۇل تۋرالى قالا اكىمى باقىتجان ساعىنتايەۆ ءوزىنىڭ nstagrami - داعى پاراقشاسىندا جازدى.
«الماتىنىڭ الاتاۋ اۋدانىندا جەكە ينۆەستورلاردىڭ قاراجاتىنا جاڭا مەشىت بوي كوتەرەدى. مەشىت ءبىر مەزگىلدە جەتى مىڭ مۇسىلماندى قابىلداي الادى. قالاداعى ەڭ ۇلكەن ءدىني عيمارات اعارتۋ ءھام رۋحاني جەر عانا ەمەس، مەگاپوليستىڭ ارحيتەكتۋرالىق مارجاندارى اراسىندا دا لايىقتى ورىنعا يە بولادى»، - دەپ جازدى الماتى اكىمى. مەشىت 2021 -جىلى پايدالانۋعا بەرىلەدى.