ديماش تۋرالى جاڭا كوميكس 7 تىلدە جارىق كورەدى

«قۇرمەتتى ديماش شىعارماشىلىعىنىڭ جانكۇيەرلەرى! بۇگىن سۇيىكتى ءانشىمىزدىڭ تۋعان كۇنىندە جاڭا رەسمي Dimash Manga (Manga D’R’S’) جوباسىمەن قۋانا- قۋانا تانىستىرامىز. Manga D’R’S’ — بۇل ەرەكشە جانە قىزىقتى سيۋجەتى بار جاپون كوميكستەرى (مانگا) جانرىنداعى شىعارمالار تسيكلى. ەڭ باستىسى - بۇل جوباعا ديماش قۇدايبەرگەننىڭ قاتىسۋى! تولىعىراق dimashmanga.com سايتىندا تانىسۋعا بولادى»، - دەپ حابارلاندى ءانشىنىڭ رەسمي سايتىندا.

كوميكستى الەمنىڭ 7 تىلىندە ەلەكتروندى نەمەسە باسپا تۇرىندە ارنايى سايتتان ساتىپ الۋعا بولادى. وقيعا جەلىسى 2019 -جىلدىڭ 10 -جەلتوقسانىندا ديماشتىڭ نيۋ- يوركتەگى كونتسەرتىنەن باستاۋ الادى. Manga D’R’S’ شامامەن 1- شىلدەدە ساتىلىمعا شىعا باستايدى. ال تاياۋ كۇندەرى سايتتا تىركەۋ باستالادى جانە ارزان باعامەن ساتىپ الۋ ءۇشىن الدىن الا تاپسىرىس قابىلدانادى. سونىمەن بىرگە، مانگا كومانداسى جاھاندىق جانە ورىس، جاپون، قىتاي تىلدەرىندەگى الەۋمەتتىك جەلىلەردەن پاراقشا اشتى.