22:37, 05 - ناۋرىز 2021 | GMT +6
ب ق و- دا جالعان شوت- فاكتۋرا جازىپ، مەملەكەتكە 77 ميلليون تەڭگە زالال كەلتىرگەندەر سوتتالدى
ورال. قازاقپارات - باتىس قازاقستان وبلىسىندا جالعان شوت- فاكتۋرا جازىپ، مەملەكەتكە 76,9 ميلليون تەڭگە زالال كەلتىرگەندەر سوتتالدى، دەپ حابارلايدى قازاقپارات ءتىلشىسى.
ب ق و بويىنشا ەكونوميكالىق تەرگەۋ دەپارتامەنتى ءمالىم ەتكەندەي، يۋ. دجۋسۋپوۆ پەن ن. باكيروۆا «Sauda Centre « جانە «TIM- KAZ» ج ش س اتىنان باسقا كاسىپكەرلىك نىساندارىنا ءىس جۇزىندە جۇمىستار ورىندالماي، قىزمەتتەر كورسەتىلمەي، تاۋارلار جونەلتىلمەسەدە، شوت- فاكتۋرا جازۋمەن اينالىسقان. وسى ءىس- ارەكەتتەرى ارقىلى كاسىپكەرلىك نىساندارىن سالىق تولەۋدەن زاڭسىز بوساتىپ، مەملەكەتكە 76,9 ميلليون تەڭگە زيان كەلتىرگەن.
ورال قالالىق سوتىنىڭ ۇكىمىنە يۋ. دجۋسۋپوۆ پەن ن. باكيروۆا ق ر ق ك 28-بابى 3-بولىگىنە جانە 216-بابى 2-بولىگى 2-تارماعىنا سايكەس ايىپتى دەپ تانىلىپ، سايكەسىنشە 2 جىل 6 ايعا جانە 2 جىلعا باس بوستاندىقتارى شەكتەلدى. مەملەكەتكە كەلتىرىلگەن زيان تولىعىمەن وتەلدى.