07:45, 04 - تامىز 2021 | GMT +6
قاراعاندى تۇرعىنى 777 شاقىرىمدى جاياۋ ءجۇرىپ ءوتتى - فوتو
قاراعاندى. قازاقپارات - قازاقستان تاۋەلسىزدىگىنىڭ 30 جىلدىعىنا وراي پروديۋسەر ءارى بلوگەر اسحات قاجىتاي قاراعاندىدان ۇلىتاۋعا جاياۋ جەتىپ، 777 شاقىرىمدى باعىندىردى.
«ۇلىتاۋ - ۇلت ۇياسى» مونۋمەنتىنىڭ جانىندا مارافونشىنى اجەيلەر شاشۋمەن قارسى الىپ، قىمىز بەردى، دەپ حابارلايدى قازاقپارات ءتىلشىسى.
«مەنىڭ «جاياۋ» مارافونىمنىڭ نەگىزگى ماقساتى - ادامدارعا اۋداندار مەن اۋىلداردىڭ ءومىرى مەن تاريحى تۋرالى ايتىپ بەرۋ. مەنى الدا ۇزاق جول كۇتىپ تۇر. ونىڭ الدىندا مەن قاسيەتتى ۇلىتاۋعا بارىپ، باتا الۋدى شەشتىم»، - دەپ ءبولىستى ساياحاتشى. بۇل - اسحاتتىڭ العاشقى جاياۋ مارافونى ەمەس. وتكەن جىلى ول قاراعاندىدان اقسورانعا دەيىن 333 شاقىرىم جول ءجۇرىپ ءوتتى. ساياحاتشى بەس مارشرۋت جاساعان. مارافون كۇزدە تۇركىستاندا اياقتالادى. ول اياقتالعاننان كەيىن اسحات ءوزىنىڭ ساياحاتى تۋرالى بەينەەسەپ پەن كىتاپ شىعارۋعا نيەتتى. بولاشاقتا ول ەۋروپانى جاياۋ باعىندىرۋدى جوسپارلاپ وتىر.
