قاراعاندىدا 77 كوشە جانە 12 مەكەمە اباي ەسىمىمەن اتالادى
قاراعاندى وبلىسىندا ۇلى اقىن جانە ويشىل ابايدىڭ 175 جىلدىعىنا ارنالعان ءبىرقاتار ءىس- شارالار جالعاسۋدا. قاراعاندىدا كوشەلەردىڭ بىرىنە اقىننىڭ ەسىمى بەرىلدى، ال اباي قالاسىندا ەسكەرتكىشى اشىلدى. كوشەنىڭ اشىلۋى سالتاناتتى تۇردە رەسمي تۇلعالاردىڭ جانە قالا تۇرعىندارىنىڭ قاتىسۋىمەن كەنشىلەر شاھارىنىڭ ورتالىعىندا، اباي ەسكەرتكىشىنىڭ الدىندا ءوتتى.
ق ر ەڭبەك سىڭىرگەن ونەر قايراتكەرى، حالىقارالىق اباي كلۋبى سىيلىعىنىڭ لاۋرەاتى سەرىك اقسۇڭقار ۇلى ابايعا ارنالعان ولەڭ وقىپ، ەڭبەكتەرىنىڭ قازاق حالقى ءۇشىن ماڭىزدىلىعىن اتاپ ءوتتى.
«مەن الەمنىڭ بارلىق كلاسسيك اقىندارىنىڭ شىعارمالارىن وقىدىم: پۋشكين، گەتە جانە باسقالار. ءبىراق اباي شىعارمالارى - بۇل بولەك شەكسىز شىعارماشىلىق تۇڭعيىق. بۇگىندە ونىڭ بارلىق دەرلىك شىعارمالارى ورىس تىلىنە اۋدارىلماعان. ابايدى ءبىلۋ ءۇشىن قازاق ءتىلىن ۇيرەنۋ كەرەك دەپ ەسەپتەيمىن»، - دەدى ول كوشەنىڭ اشىلۋىنا Dacia رۋمىن ەتنومادەني ورتالىعىنىڭ جاستار قاناتىنىڭ جەتەكشىسى الەكساندر ۋرماشوۆ كەلدى.
«قالامىزدا ۇلى ويشىل ابايدىڭ ەسىمىمەن اتالاتىن كوشەنىڭ پايدا بولعانى وتە جاقسى. ونىڭ ەڭبەگى مەن ۇلەسى بۇكىل الەمدە مويىندالعان. بيىل بۋحارەستتە اباي بيۋستىنىڭ اشىلۋى ءوتتى. بۇل قازاقستاننىڭ ۇلتتىق جاڭعىرۋعا دەگەن ۇمتىلىسىن بۇكىل الەم قولدايتىنىن بىلدىرەدى»، - دەدى الەكساندر ۋرماشوۆ.
قولادان قۇيىلعان بيىكتىگى ون مەترگە جۋىق مونۋمەنت اباي قالاسىنداعى مادەنيەت ءۇيىنىڭ الدىنداعى الاڭدا ورناتىلدى. بۇل اباي قۇنانبايەۆتىڭ حالىق اعارتۋ ىسىنە قوسقان زور ۇلەسى جانە باسقا دا كوپتەگەن ەڭبەكتەرى ءۇشىن كورسەتىلىپ وتىرعان قۇرمەتتىڭ بەلگىسى. جوبا اۆتورى - قازاقستان سۋرەتشىلەر وداعىنىڭ مۇشەسى بەيبىت مۇستافين.
ءمۇسىنشى اقىندى تولىق بويىنا ساي، قولىندا كىتاپ جانە قاشىقتىققا قاراپ تۇرعان كۇيىندە بەينەلەگەن. ەسكيز كونكۋرستىق نەگىزدە ىرىكتەلىپ الىندى جانە ەسكەرتكىشتەر مەن قۇرىلىستار جونىندەگى رەسپۋبليكالىق مەملەكەتتىك كوميسسيامەن بەكىتىلدى. ەسكەرتكىشتى قۇيۋعا 5,6 توننا قولا جۇمسالدى. بۇل فيگۋرانى قازاقستان سۋرەتشىلەر وداعىنىڭ وبلىستىق فيليالىنىڭ كومبيناتىندا جاسادى. قاراعاندى وبلىسىندا بۇل ابايدىڭ سەگىزىنشى ەسكەرتكىشى. العاشقى مۇسىندەر 50 جىل بۇرىن پايدا بولدى.
«بيىل ەلىمىز ۇلى ابايدىڭ 175 جىلدىعىن اتاپ وتۋدە. ەل پرەزيدەنتى قاسىم-جومارت توقايەۆ اتاپ وتكەندەي، بۇل ۇلتتىڭ رۋحاني دامۋىنا جانە حالىقتىڭ بىرلىگىنە ىقپال ەتەدى. ءبىزدىڭ وبلىستا مەرەيتويلىق داتاعا ارنالعان جۇزدەگەن ءىس- شارالار ءوتتى. بۇگىن ءبىز قازاق حالقىنىڭ دانىشپان ۇلىنا تاعى دا قۇرمەت كورسەتۋدەمىز. ءبىز ءبارىمىز ابايدىڭ شىعارماشىلىعىنا جانە دانا قارا سوزدەرىندە سۇيەنە وتىرىپ وقىدىق. ونىڭ وسيەتتەرى بۇگىنگى كۇنگە دەيىن وزەكتى. ءبىزدىڭ مىندەتىمىز - وسى بايلىقتى ساقتاپ، ونى كەيىنگى ۇرپاققا جەتكىزۋ»، - دەدى ءوڭىر باسشىسى جەڭىس قاسىمبەك اباي قالاسىندا ەسكەرتكىشتىڭ اشىلۋ سالتاناتىندا.
ەسكەرتكىشتىڭ اشىلۋ سالتاناتىنا قالا تۇرعىندارى مەن قوناقتار- ق ر پارلامەنتى ءماجىلىسىنىڭ دەپۋتاتتارى، ابايتانۋشىلار قاتىستى.
«اباي - ۇلتىمىزدىڭ بولاشاققا دەگەن ۇلى جولى، رۋحانياتىمىزدىڭ التىن دىڭگەگى. قازاق حالقىنىڭ بارلىق ۇلى قاسيەتتەرى ابايدىڭ مۇراسىندا، ونىڭ دانا ويلارىندا جاتىر. ينتەللەكتۋالدى جانە ءبىلىمدى ۇلتتى قالىپتاستىرۋ، سانانى جاڭعىرتۋ - مۇنىڭ ءبارى ابايدىڭ رۋحاني مۇراسىنىڭ قازىناسىن بىلۋگە مۇمكىندىك بەرەدى. ونىڭ دانالىعى ءاربىر ادامنىڭ جۇرەگىنە مەيىرىمدىلىك ۇيالاتادى»، - دەپ اتاپ ءوتتى ق ر ەڭبەك سىڭىرگەن قايراتكەرى امانجول التايەۆ.
اۋداندىق مادەنيەت ءۇيىنىڭ الاڭى كوركەيە ءتۇستى. اۋماق «جۇمىسپەن قامتۋدىڭ جول كارتاسى» باعدارلاماسى بويىنشا اباتتاندىرىلدى. سۋبۇرقاقتار، روتۋندار جانە م ءۇ قاسبەتى جوندەلدى. قىرلى تاس اۋىستىرىپ، زاماناۋي شامدار، ورىندىقتار، قوقىس جاشىكتەرى ورناتىلدى. بۇل كۇنى ابايدا جەرگىلىكتى اقىنداردىڭ «اباي جاققان ءبىر ساۋلە...» اتتى جيناعىنىڭ تۇساۋكەسەرى ءوتتى. سونداي- اق، مۇحتار اۋەزوۆتىڭ الەمنىڭ 18 تىلىندەگى «اباي جولى» رومان- ەپوپەياسىنىڭ ديسكىلى جيناعى ۇسىنىلدى. كىتاپتاردى سيفرلاۋ شاحتينسك قالاسىنىڭ ورتالىق كىتاپحاناسىمەن بىرلەسىپ جۇرگىزىلدى. قاراعاندى وبلىسىندا اباي 175 جىلدىعىنا وراي كورمەلەر، مانەرلەپ وقۋ بايقاۋلارى، عىلىمي- تاجىريبەلىك كونفەرەنسيالار، چەللەندجدەر جانە باسقا دا ءىس- شارالار وتكىزىلدى. مەرەيتويعا ورايلاستىرىلعان سپەكتاكلدەردى قازاق جانە ورىس دراما تەاترلارى قويدى. وبلىستا قالا، 77 كوشە جانە 12 مەكەمە اباي ەسىمىمەن اتالادى.