قازاقستاندىقتاردىڭ ءومىر ءسۇرۋ ۇزاقتىعى 75 جاسقا جەتەدى دەپ كۇتىلۋدە - مينيستر

None
None
نۇر- سۇلتان. قازاقپارات - 2026 -جىلعا دەيىن قازاقستاندىقتاردىڭ ءومىر ءسۇرۋ ۇزاقتىعى 75 جاسقا جەتەدى دەپ كۇتىلۋدە.

بۇل تۋرالى بۇگىن دەنساۋلىق ساقتاۋ ءمينيسترى الەكسەي سوي دۇنيەجۇزىلىك دەنساۋلىق ساقتاۋ ۇيىمىنىڭ قازاقستانداعى ەلدىك كەڭسەسىنىڭ وكىلدەرى - دۇنيەجۇزىلىك دەنساۋلىق ساقتاۋ ۇيىمىنىڭ ق ر- داعى وكىلى كەرولاين كلارينۆال جانە مەديتسينالىق ماسەلەلەر جونىندەگى اعا كەڭەسشى ومار سالەحپەن كەزدەسۋدە ايتتى، دەپ حابارلايدى قازاقپارات.

كەزدەسۋ بارىسىندا تاراپتار ق ر دەنساۋلىق ساقتاۋ مينيسترلىگى مەن د د س ۇ ەۋروپالىق وڭىرلىك بيۋروسى اراسىنداعى 2020-2021 -جىلدارعا ارنالعان ەكى جىلدىق كەلىسىمدى ىسكە اسىرۋ ماسەلەلەرىن تالقىلادى.

قۇجات ءۇش باعىت بويىنشا ىسكە اسىرىلۋدا - تاعى 1 ميلليارد ادامدى جاپپاي دەنساۋلىق ساقتاۋ قىزمەتىمەن قامتۋ، دەنساۋلىق ساقتاۋ سالاسىنداعى توتەنشە جاعداي كەزىندە قورعاۋ، تاعى 1 ميلليارد ادامنىڭ دەنساۋلىعى مەن ءال- اۋقاتىن ارتتىرۋ.

ا. سوي مەن د د س ۇ وكىلدەرى COVID-19-عا قارسى كۇرەس ماسەلەلەرى بويىنشا ىنتىماقتاستىقتى دا تالقىلادى. 2020 -جىلدىڭ ناۋرىز ايىنان باستاپ دۇنيەجۇزىلىك دەنساۋلىق ساقتاۋ ۇيىمى قازاقستانعا 7 پارتيا جەكە قورعانىس قۇرالدارى مەن گۋمانيتارلىق كومەك جىبەردى. سونىمەن قاتار، ۇيىم كوروناۆيرۋس پاندەمياسىمەن كۇرەسۋدە ۇنەمى تەحنيكالىق جانە ساراپتامالىق قولداۋ كورسەتەدى.

سەگىز اي ىشىندە ەلىمىزدىڭ 1600-دەن استام مەديتسينا قىزمەتكەرىنىڭ قاتىسۋىمەن 20 ۆەبينار ءوتتى. سونداي- اق، الەكسەي سوي ق ر دەنساۋلىق ساقتاۋدى دامىتۋدىڭ 2020-2025 -جىلدارعا ارنالعان مەملەكەتتىك باعدارلاماسىنىڭ ىسكە اسىرىلۋى تۋرالى حاباردار ەتتى.

«مەملەكەتتىك باعدارلامانى ىسكە اسىرۋ ناتيجەسىندە 2026 -جىلعا دەيىن قازاقستاندىقتاردىڭ ءومىر ءسۇرۋ ۇزاقتىعى 75 جاسقا جەتەدى دەپ كۇتىلۋدە، مەرزىمىنەن بۇرىن ءولىم قاۋپى % 15,43 دەيىن تومەندەيدى جانە نەگىزگى كورسەتكىشتەر بويىنشا حالىقتىڭ دەنساۋلىق جاعدايى جاقسارادى»، - دەدى مينيستر.

دەنساۋلىق ساقتاۋ مينيسترلىگى ءولىم- ءجىتىمنىڭ نەگىزگى سەبەپتەرى بويىنشا جۇيەلى جوسپارلى جۇمىس جۇرگىزۋدە، ءتورتىنشى جىل ءتيىستى ۇيلەستىرۋ كەڭەستەرى جۇمىس ىستەۋدە. ونكولوگيالىق اۋرۋلارمەن كۇرەس جونىندەگى كەشەندى جوسپار، العاشقى مەديتسينالىق- سانيتارلىق كومەكتى دامىتۋ جونىندەگى ءىس- شارالار جوسپارى، انا مەن بالا ءولىمىن تومەندەتۋ جونىندەگى جەدەل جوسپارلار جانە باسقالار ىسكە اسىرىلۋدا.

الەمدەگى دەنساۋلىق ساقتاۋ جۇيەسىندەگى قازىرگى جاعدايدى ەسكەرە وتىرىپ، ا. سوي ك. كلارينۆالعا 2021-2022 -جىلدارعا ارنالعان كەلىسىمگە پراكتيكالىق دەنساۋلىق ساقتاۋدىڭ زاماناۋي تاسىلدەرى مەن عىلىمي- دالەلدى پراكتيكانى قامتيتىن ءىس- شارالاردى قوسۋدى ۇسىندى.

دەنساۋلىق ساقتاۋ مينيسترلىگىنىڭ باسشىسى 2020 -جىلعى 14 - جەلتوقسانعا جوسپارلانعان م س ا ك جونىندەگى دەكلاراتسيانى ىلگەرىلەتۋدىڭ وپەراتسيالىق تەتىگىن ىسكە قوسۋعا ارنالعان ءىس- شارانى د د س ۇ- مەن بىرلەسىپ ۇيىمداستىرۋعا جانە وتكىزۋگە دايىن ەكەنىن ءبىلدىردى.

اۆتور: بالنۇر قوجاگەلدى


سوڭعى جاڭالىقتار