17:51, 18 - قازان 2019 | GMT +6
ءال- فارابي مەن ابايدىڭ تويىن، جەڭىستىڭ 75 جىلدىعىن اتاپ وتۋگە قانشا قارجى ءبولىندى
نۇر- سۇلتان. قازاقپارات - قارجى ءمينيسترىنىڭ ءبىرىنشى ورىنباسارى بەرىك شولپانقۇلوۆ 2020 -جىلى تويلاناتىن ءال- فارابيدىڭ 1150 جىلدىعى مەن ابايدىڭ 175 جىلدىق مەرەيتويى، جەڭىستىڭ 75 جىلدىعى بويىنشا بيۋدجەت قاراجاتى وڭتايلاندىرىلمايتىنىن ءمالىم ەتتى، دەپ حابارلايدى قازاقپارات ءتىلشىسى.
«اتالعان اتاۋلى شارالارعا بايلانىستى قارجى ءبولىندى. ءۇش جىلدىڭ بيۋدجەتىندە كوزدەلدى. 3 ميلليارد تەڭگە. ياعني، بۇل قاراجات 2020 -جىلى تويلاناتىن ءال- ءفارابيدىڭ 1150 جىلدىعى مەن ابايدىڭ 175 جىلدىق مەرەيتويى، جەڭىستىڭ 75 جىلدىعىنا وراي شارالارعا باعىتتالعان» ، - دەدى بەرىك شولپانقۇلوۆ
ۆيتسە- ءمينيستردىڭ ايتۋىنا قاراعاندا، يميدجدىك شارالاردىڭ ءبىرازى وتپەيتىن بولىپ شەشىلگەن. وسىدان ۇنەمدەلگەن قاراجات عىلىمي زەرتتەۋلەردى ارتتىرۋعا جۇمسالىپ وتىر.
ەسكە سالا كەتسەك، بۇعان دەيىن بەرىك شولپانقۇلوۆ قازاقستاندا يميدجدىك ماقساتقا جۇمسالماق بولعان 1 ميلليارد 400 ميلليون تەڭگە ۇنەمدەلگەنىن مالىمدەگەن بولاتىن.