التىن وردانىڭ 750 جىلدىعىنا وراي نەگىزگى ءىس- شارالار قىركۇيەكتە وتەدى
«2019 -جىلى ۇلىتاۋ جەرىندە مەملەكەت باسشىسى قاسىم- جومارت كەمەل ۇلىنىڭ قاتىسۋىمەن وتكەن «Jezkiik-2019» حالىقارالىق فورۋمىندا قازاق حالقى ءۇشىن ۇلىتاۋدىڭ تاريحي ءمانىن ەرەكشە اتاپ ءوتتى. شىڭعىس حاننىڭ ۇلكەن ۇلى - جوشىنىڭ مازارى قازاق جەرىندە تۇرعانىن بۇگىندە ەلىمىزدەگى جانە شەتەلدەگى جۇرتشىلىقتىڭ كوبى بىلە بەرمەيدى. ونىڭ تاريحي تۇلعاسىنا الەمنىڭ نازارىن اۋدارىپ، كەسەنەسىن مادەني تۋر نىسانىنا اينالدىرۋ بويىنشا مىندەت قويدى. ۇلىتاۋ - حالىقارالىق دەڭگەيدەگى ەتنوگرافيالىق ءتۋريزمنىڭ ورتالىعى اينالاتىنىنا سەنىم ءبىلدىردى . وسى ورايدا بيىلعى جىلى «ۇلىق ۇلىستىڭ» (التىن وردا) 750 -جىلدىعى اياسىندا عىلىمي- زەرتتەۋ جانە مادەني ءىس- شارالار، تاريحي- مادەني مۇرا نىساندارىن قالپىنا كەلتىرۋ، ەتنو- مادەني، ەكوتۋريزمدى دامىتۋ، تۋريستەردىڭ قولايلى بولۋى ءۇشىن جاعداي جاساۋ جانە ۇلىتاۋعا كولىكتىك- لوگيستيكالىق ينفراقۇرىلىمىن دامىتۋ جوسپارلانىپ وتىر» ، - دەدى اقتوتى رايىمقۇلوۆا و ك ق الاڭى ارقىلى ونلاين رەجيمدە حالىق الدىندا ەسەپ بەرۋ كەزدەسۋىندە.
ءمينيستردىڭ ايتۋىنشا، قازىرگى تاڭدا جوشى جانە الاشا حان كەسەنەسىندە عىلىمي- رەستاۆراتسيالاۋ جۇمىستارى جۇرگىزىلۋدە. ول جەردە تاريحي- مادەني كەشەن قۇرىلادى. سونداي- اق « ۇلىتاۋ» ۆيزيت- ورتالىعىن اياقتاۋ جوسپارلانۋدا.
« ۇلىتاۋ - التىن وردانىڭ التىن بەسىگىنە وتاندىق جانە شەتەلدىك تۋريستەردى تارتۋ ماقساتىندا «قاسيەتتى ۇلىتاۋ» ، «حان جولى» ، «تەرەكتى اۋليە» جانە «قورعاسىن قۇپياسى» جاڭا تۋريستىك باعىتتارى ازىرلەندى. مەرەيتويدىڭ نەگىزگى ءىس- شارالارى وسى جىلدىڭ قىركۇيەك ايىنا جوسپارلانىپ وتىر. تاريحي كەشەننىڭ اشىلۋى، عىلىمي- پراكتيكالىق سەمينار، «جەزكيىك-2020» حالىقارالىق فەستيۆالى سەكىلدى شارالار ۇيىمداستىرىلادى» ، - دەدى اقتوتى رايىمقۇلوۆا.