ماڭعىستاۋلىق پوليتسەيلەر 72 سايتتى بۇعاتتادى
دەپارتامەنتتىڭ مالىمەتىنشە، جىل باسىنان بەرى ەسىرتكى ساۋداسىنا قارسى ءىس- قيمىل باسقارماسىنىڭ قىزمەتكەرلەرى 493 ەسىرتكى قىلمىسىن انىقتاعان. ناتيجەسىندە زاڭسىز اينالىمنان گەروين، ماريحۋانا، گاشيش، اپيىن جانە سينتەتيكالىق ەسىرتكى سياقتى 193 كەلىگىە جۋىق ەسىرتكى زاتتارى تاركىلەندى.
«وبلىس پوليتسەيلەرى اكىمشىلىك قۇقىق بۇزۋشىلىق تۋرالى كودەكستىڭ 608-بابىن بۇزۋدىڭ 39 فاكتىسىن (ەسىرتكىگە ماس كۇيىندە كولىك قۇرالىن جۇرگىزۋ)، 426-بابىن بۇزۋدىڭ بەس فاكتىسىن (دارىلىك پرەپاراتتاردى رەتسەپىسىز بوساتۋ) جانە 427-بابىن بۇزۋدىڭ ءبىر فاكتىسىن (ەسىرتكى، پسيحوتروپتىق زاتتار، پرەكۋرسورلار اينالىمى سالاسىنداعى وبەكتىلەر مەن ءۇي- جايلاردىڭ تەحنيكالىق نىعايتىلۋ تالاپتارىن بۇزۋ) انىقتادى»، - دەلىنگەن حابارلامادا.
سونداي-اق، ەسىرتكى قۇرالدارى مەن ولاردىڭ انالوگتارىن جارنامامەن جانە ساتۋمەن اينالىساتىن 72 سايتتى تاپتى. بارلىق سايتتار بۇعاتتالدى. ەسىرتكى زاتتارىن ساتۋ بويىنشا ينتەرنەت- رەسۋرستاردى جارنامالايتىن 40 گراففيتي تابىلدى جانە جويىلدى.