شەتەلدەگى قازاقتاردىڭ 71 ورتالىعىمەن مەموراندۋم جاسالدى - «وتانداستار» قورى

بۇل تۋرالى «وتانداستار قورى» ك ە ا ق ۆيتسە- پرەزيدەنتى ماعاۋيا سارباسوۆ ايتىپ بەردى، دەپ حابارلايدى قازاقپارات ءتىلشىسى.

«بۇگىندە قوعام 4 باعىتتا جۇمىس اتقارادى. ءبىرىنشى، شەتەل قازاقتارىنىڭ ۇلتتىق بىرەگەيلىگىن ساقتاۋ ماقساتىندا مادەني- گۋمانيتارلىق جوبالار ۇيىمداستىرۋ. ەكىنشى، ەلىمىزگە كوشىپ كەلگەن قانداستارىمىزعا قوعامعا بەيىمدەلۋىنە جاردەم جاساۋ. ءۇشىنشى، شەتەلدەگى قازاقتاردىڭ الەۋمەتتىك احۋالى مەن وتانداستارىمىزبەن جۇمىس جاساۋدىڭ حالىقارالىق وزىق تاجىريبەسىن زەرتتەۋ. ءتورتىنشى، شەتەلدەگى قازاق جاستارىمەن بايلانىس ورناتۋ، ولاردى قازاقستانعا تارتۋ»، - دەپ اتاپ ءوتتى م. سارباسوۆ ورتالىق كوممۋنيكاتسيالار قىزمەتىندە وتكەن باسپا ءسوز كونفەرەنسياسىندا.

سپيكەردىڭ ايتۋىنشا، كەلەسى جىلى دۇنيەءجۇزى قازاقتارى قاۋىمداستىعىنىڭ 30 جىلدىق مەرەيتويى بولادى. ونىڭ اياسىندا ۇلكەن قۇرىلتاي وتكىزۋ جوسپارلانىپ وتىر. سونىمەن بىرگە، ءارتۇرلى مالىمەتتەر بويىنشا شەت ەلدەردە 5-7 ميلليون قازاق تۇرادى. قازىر ناقتى سانىن ايقىنداۋ ءۇشىن زەرتتەۋ جۇرگىزىلىپ جاتىر.

«2018 -جىلى «وتانداستار» قورى قۇرىلعان ساتتەن باستاپ، شەتەلدەگى قازاقتاردى بىرىكتىرەتىن ۇلتتىق مادەني ورتالىقتاردى تۇگەندەۋ جۇمىستارىنا بەلسەنە كىرىستى. ول جۇمىسقا سىرتقى ىستەر مينيسترلىگى مەن ەلشىلىكتەرى دە ۇلەس قوستى. سونىڭ ناتيجەسىندە الەمدە 250-گە جۋىق قازاق مادەني ورتالىقتارى بار ەكەنى، ونىڭ 150- ءى بەلسەندى جۇمىس ىستەيتىنى انىقتالدى. بۇگىندە ولاردىڭ بارلىعىمەن بايلانىس ورناتىلىپ، 71 ورتالىقپەن ءوزارا ىنتىماقتاستىق تۋرالى مەموراندۋمعا قول قويدى»، - دەيدى م. سارباسوۆ.

اۆتور: ايجان سەرىكجان قىزى