+7 (701) 759 90 19
16 °С : نۇر-سۇلتان
21 °С : الماتى
USD 424.99 EUR 504.21
RUB 5.81 CNY 65.66
جاڭالىقتار

د د س ۇ باسشىسى: الەم حالقىنىڭ  70 پايىزىن ۆاكسينالاعان كەزدە عانا پاندەميانى جەڭۋگە بولادى

13 ماۋسىم 14:00
:ءبولىسۋ
د د س ۇ باسشىسى: الەم حالقىنىڭ  70 پايىزىن ۆاكسينالاعان كەزدە عانا پاندەميانى جەڭۋگە بولادى

لوندون. قازاقپارات - الەم حالقىنىڭ كەمىندە 70 پايىزىن ۆاكسينالاعان كەزدە عانا COVID-19 پاندەمياسىن جەڭۋگە بولادى.

مۇنداي مالىمدەمەنى دۇنيەجۇزىلىك دەنساۋلىق ساقتاۋ ۇيىمىنىڭ (د د س ۇ) باس ديرەكتورى تەدروس گەبرەيەسۋس G7 سامميتىندە جاسادى، دەپ حابارلايدى قازاقپارات ب ۇ ۇ جاڭالىقتار ورتالىعىنا سىلتەمە جاساپ.

«پاندەميانى تولىعىمەن جەڭۋ ءۇشىن ءبىز الەم حالقىنىڭ كەم دەگەندە 70 پايىزىنا ۆاكسينا ەگۋىمىز كەرەك جانە مۇنى كەلەسى جىلى گەرمانيادا بولاتىن كەزەكتى كەزدەسۋگە دەيىن جاساۋ قاجەت. مۇنى «ۇلكەن جەتىلىك» پەن «ۇلكەن جيىرمالىقتىڭ» بىرلەسكەن قولداۋىمەن ىسكە اسىرۋعا بولادى. ول ءۇشىن بىزگە 11 ميلليارد دوزا ۆاكسينا كەرەك»، - دەپ مالىمدەدى د د س ۇ باسشىسى.

«قىسقا مەرزىمدى پەرسپەكتيۆاعا كەلەتىن بولساق، ول وسى جىلدىڭ قىركۇيەك ايىنا قاراي ءار ەلدىڭ تۇرعىندارىنىڭ كەم دەگەندە 10 پايىزىن، ال جىل سوڭىنا دەيىن 40 پايىزىن ۆاكسينالاۋ كەرەك»، - دەپ مالىمدەدى ول.

«بۇل ءۇشىن ءدال قازىر، ياعني وسى جانە كەلەسى ايدا 100 ميلليون دوزا ۆاكسينا، ال قىركۇيەك قاراي تاعى 250 ميلليون ۆاكسينا قاجەت. ولار COVAX باستاماسى ارقىلى تاراتىلۋى كەرەك».

تەدروستىڭ ايتۋىنشا، تەحنولوگيالاردى كەدەي ەلدەرگە بەرۋ جانە زياتكەرلىك مەنشىك قۇقىعىنان باس تارتۋ ەسەبىنەن ولاردىڭ ءوندىرىسىن كەڭەيتۋ قاجەت. د د س ۇ باسشىسى الەمدى الداعى پاندەميادان قورعاۋ ءۇشىن قازىرگى داعدارىستان ساباق الۋعا شاقىردى.

قازىر ەڭ باستىسى - ىنتىماقتاستىققا قول جەتكىزۋ جانە ءار ەلگە ءوز حالقىنىڭ قاۋىپسىزدىگىن قامتاماسىز ەتۋ ءۇشىن قاجەتتى مالىمەتتەر، اقپاراتتار، رەسۋرستار، تەحنولوگيالارمەن جانە بارلىق قۇرالدارمەن الماسۋدى جولعا قويۋ كەرەك. سونداي- اق ول پاندەمياعا دايىندىقتى ارتتىرۋ جانە جاڭا پاتوگەندەردىڭ شىعۋ كوزدەرىن انىقتاۋدا ىنتىماقتاستىقتى نىعايتۋ تۋرالى «حالىقارالىق كەلىسىمشارت، كونۆەنسيا» جاساسۋدى ۇسىندى.

اۆتور: اياۋلىم التىنبەك



#الةم  
:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات