70 جاستاعى اجە جولاۋشى تاسىپ ەڭبەك ەتەدى

- ايىمگۇل اپا، تاكسيست بولعانىڭىزعا قانشا جىل بولدى؟

- التى جىل بولدى. ءوزىم قاراقالپاقستاننان كوشىپ كەلگەم. سول قاراقالپاق جەرىندە باستاۋىش سىنىپتا مۇعالىم بولدىم. ول جاقتاعىلار قازاق دەپ جاقتىرمادى ءبىزدى. سونداي نامىستاناتىنمىن. قازاقستانعا 1997 -جىلى كوشىپ كەلدىك. سودان شالىما «كەرەك بالاڭدى الىپ سەن قالساڭ قال، ال مەن وزىمە كەرەك بالانى الىپ كەتتىم قازاعىما» دەپ ايتتىم. قازاقستانعا 1997 -جىلى كوشىپ كەلدىك. بازارعا شىقتىم، ساۋدا جاسادىم. تاۋار تاسىعاندا كولىكتەن قينالدىم. سودان بالالارىما ماشينا الاتىنىمدى ايتتىم. بالالارىم «جۇرگىزە المايسىز، ونى قايتەسىز» دەپ شىقتى. ايتقانىمنان قايتپاي ءجۇرىپ ءبىر ەسكى كولىك الدىم. ونىڭ اقشاسىن زەينەتاقىمنان ۇستاپ قالاتىن بولدى.

- زەينەتاقىڭىز جەتەتىن بە ەدى؟

-زەينەتاقىم قازىر 70 مىڭ تەڭگە بولدى. سودان ماشينام تۇردى. بىركۇنى ۇيدە ءسۇت ءبىتىپ قالدى. كولىگىمە وتىردىم دا ءسۇت الىپ كەلدىم. اقىرىن جۇرگىزىپ باردىم. ءسويتىپ وتىرسام ءبىر بالا «اپا، اۋىلعا دەيىن 50 تەڭگەگە الا كەتىڭىزشى»، - دەدى. ەرتەسى ەرتە شىعىپ الدىم. ول كۇنى ادام تاسىپ ءجۇرىپ، 1000 تەڭگە تاپتىم. تىنىش وتىرا المايمىن ۇيدە. باۋ- باقشانى ەگەم، كۇتەم. تاڭنىڭ اتىسى كەشتىڭ باتىسى تىنىم تاپپايمىن.

- ايەلدىڭ تاكسي جۇرگىزۋشىسى بولعانى قاۋىپتى. ومىرىڭىزگە سونداي قاۋىپ- قاتەر تونگەن كەزى بولدى ما؟

- جوق. مەن الىسقا شىقپايمىن. قاسكەلەڭگە بارام، بازارعا بارام. ودان الىسقا بارمايمىن. بىرەۋ سوعىپ كەتۋى مۇمكىن عوي.

-جول ەرەجەسىن بۇزعان كەزىڭىز بولدى ما؟

- مەن كولىكتى قاتتى جۇرگىزبەيمىن. ارى كەتسە 60-70-پەن عانا جۇرەمىن.

- ادامداردىڭ پەيىلى قانداي؟ ءسىزدىڭ كولىگىڭىزگە وتىرعان جولاۋشى جولاقىسىن دۇرىس تولەي مە؟

- ادامداردىڭ پەيىلى ءارتۇرلى. كولىگىمە وتىرعان جولاۋشىنىڭ كوڭىلىن كوتەرۋ ءۇشىن كۇلدىرەمىن، ازىلدەسەمىن. ۋايىم باسىپ جۇرەتىن ادامدار كوپ.

- 8-ناۋرىزداعى ءوزىڭىزدىڭ كوڭىل كۇيىڭىز قالاي؟

- وسى مەرەكەگە قارسى ايەلدەر كوپ ءجۇر. سولاردى تاسىپ ءجۇرمىن ارى- بەرى. ءوزىم ماشينامەن تاپقان تيىن-تەبەنىمدى جيناپ، تىعىپ قويام، وزىمە سىيلىق جاسايمىن. ماعان نەگە سىيلىق بەرمەيدى دەپ بالالارىما رەنجىمەيمىن.

- اڭگىمەڭىزگە راحمەت!