جاز باستالعالى 700 دەن استام الماتىلىقتى كەنە شاققان

الماتى قالالىق تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ مالىمەتىنە سايكەس، 4- مامىردان باستاپ جالپى اۋدانى 2402 گەكتار اۋماقتا كەنەگە قارسى سۇيىقپەن وڭدەۋدىڭ 1- كەزەڭى باستالدى.

ياعني، الاتاۋ، المالى، م. اۋەزوۆ، جەتىسۋ، مەدەۋ، ناۋرىزباي، تۇركسىب اۋداندارىنىڭ قالالىق ساياباقتارى، سكۆەرلەرى مەن الما-اراسان شاتقالى وڭدەلدى. وڭدەلگەن جەردىڭ جالپى كولەمى 530 گەكتار .

كەنەگە قارسى وڭدەۋ جۇمىستارىن الماتى قالاسى بويىنشا دەزينفەكتسيا ورتالىعىنىڭ فيليالى اۋداندىق ساپا مەن قاۋىپسىزدىكتى جانە تاۋارلاردى باقىلاۋ باسقارماسى ماماندارىنىڭ تىكەلەي باقىلاۋىمەن جۇرگىزەدى.

جاۋاپتى ماماندار قالا تۇرعىندارىن كەنەلەردىڭ بەلسەندى ماۋسىمى كەزەڭىندە كەنە ەنتسەفاليتىنىڭ تابيعي وشاعىنا بارعاندا (تاۋعا شىعۋ، ورمان، الماتى قالاسى جانە ونىڭ ماڭايىندا ورنالاسقان لاگەرلەر مەن ساۋىقتىرۋ ۇيىمدارىنداعى دەمالىس كەزىندە) ساقتانۋعا شاقىردى.

«ەگەر كەنە شاعىپ العان جاعدايدا شۇعىل تۇردە (العاشقى ءۇش تاۋلىك ىشىندە) سەروپروفيلاكتيكا پۋنكتىنە جۇگىنۋ قاجەت. وندا زارداپ شەگۋشىدەن كەنەنى الىپ تاستاۋ جانە شۇعىل سەروپروفيلاكتيكانى قامتيتىن بىلىكتى كومەك كورسەتىلەدى، ياعني كەنەگە قارسى ارنايى يممۋنوگلوبۋلين ەگىلەدى»، - دەپ حابارلادى دەپارتامەنتتەن.

قازىرگى COVID-19 كارانتين كەزەڭىندە كەنە شاعۋدان زارداپ شەككەندەرگە 3 مەديتسينالىق ۇيىمنىڭ تراۆماتولوگيالىق پۋنكتتەرىندە كومەك كورسەتىلەدى: 4№ قالالىق كلينيكالىق اۋرۋحانا (پاپانين كوشەسى، 220، ت ە ل. 3003701)؛ 7№ قالالىق كلينيكالىق اۋرۋحانا (قالقامان ى ق ش. اۋدانى، رايىمبەك داڭعىلى، ت ە ل. 2708631، ىشكى. 138)؛ بالالار شۇعىل مەديتسينالىق جاردەم ورتالىعى (ماناس كوشەسى، 40، تەل. 2748319).

كەنە بەلسەندىلىگىنىڭ ماۋسىمى باستالعالى قالانىڭ مەديتسينالىق ۇيىمدارىنا 758 ادام جۇگىنگەن.

ونىڭ ىشىندە 14 جاسقا دەيىن 439 بالا بار. كەنە شاققانداردىڭ بارلىعىنا دەر كەزىندە كەنەگە قارسى يممۋنوگلوبۋلين ەگىلدى. الماتىدا كەنە ەنتسەفاليتى تىركەلگەن جوق. 2019-جىلدىڭ وسى كەزەڭىندە 1450 ادام، ونىڭ ىشىندە 14 جاسقا دەيىنگى 757 بالا كەنە شاقتى دەپ شاعىمدانعان.