الماتىدا سالماعى 6 كەلىدەن اساتىن الىپ قىز دۇنيەگە كەلدى

None
None
الماتى. قازاقپارات - الماتى قالاسىندا سالماعى 6 كەلىدەن اساتىن قىز بالا دۇنيەگە كەلدى، دەپ حابارلايدى قازاقپارات ءتىلشىسى.

نارەستە 2№ قالالىق پەرزەنتحاناسىندا ومىرگە كەلدى. پەرزەنتحانا قىزمەتكەرلەرى سالماعى اۋىر بالانىڭ دۇنيەگە كەلەتىنىن بولجاپ، الدىن الا دايىندالدى. الايدا ونىڭ سالماعى 6 كەلى 20 گرام بولادى دەپ ويلاعان جوق.

«ءبىز بالانىڭ سالماعى 6 كەلىدەن اسادى دەپ كۇتكەن جوقپىز. جۇكتىلىك كەزىندە جاسالعان ۋلترادىبىستىق زەرتتەۋ ءسابيدىڭ ءتورت كيلوگرامنان اساتىنىن كورسەتكەن. الايدا، ول ءادىس ارقىلى ناقتى ماسسانى انىقتاۋ مۇمكىن ەمەس. بالا كەسار تىلىگىمەن ەمەس، تابيعي جولمەن دۇنيەگە كەلدى»، - دەدى پەرزەنتحانانىڭ نەوناتولوگيا ءبولىمىنىڭ مەڭگەرۋشىسى ديليارا سىرتلانوۆا.

ەكىنشى بالاسىن ومىرگە اكەلگەن 23 جاستاعى انانىڭ جاعدايى قازىر جاقسى.

انا مەن بالا 29 كۇن دارىگەرلەر مەن مەدبيكەلەردىڭ باقىلاۋىندا بولدى.

«مۇنداي جاعداي ءبىزدىڭ پەرزەنتحانادا عانا ەمەس، قالادا دا سيرەك كەزدەسەدى. قازىرگى ۋاقىتتا انا مەن جاڭا تۋعان نارەستەنىڭ جاعدايى ءبىرقالىپتى، ولاردى ۇيگە شىعاردىق»، - دەپ اتاپ ءوتتى دارىگەر.

ءوز كەزەگىندە بالانىڭ اناسى اۋرۋحانا قىزمەتكەرلەرىنە العىس ايتتى.

«پەرزەنتحانانىڭ بۇكىل ۇجىمىنا، دارىگەرلەردەن باستاپ سانيتارلارعا دەيىن العىس ايتقىم كەلەدى. ولاردىڭ كاسىپقويلىعى، زەيىندىلىگى مەن ادامگەرشىلىگى ارقاسىندا بالامدى امان-ساۋ ومىرگە اكەلدىم»، - دەيدى ينابات قوستانباي.

سوڭعى جاڭالىقتار