ءىلياس ەسەنبەرليننىڭ 6 تومدىق شىعارمالار جيناعى جارىق كوردى

None
None
نۇر- سۇلتان. قازاقپارات - ەل تاۋەلسىزدىگىنىڭ 30 جىلدىعىنا وراي كورنەكتى جازۋشى، ەكىنشى دۇنيەجۇزىلىك سوعىستىڭ ارداگەرى، قازاق ادەبيەتى تاريحىندا بۇگىنگە دەيىن ەڭ كوپ رومان (17) جازعان جازۋشى ءىلياس ەسەنبەرليننىڭ 6 تومدىق شىعارمالار جيناعى جارىق كوردى، دەپ حابارلايدى قازاقپارات.

جيناققا جازۋشىنىڭ بارلىق شىعارماسى كىردى. ەندى كەز كەلگەن وقىرمان «كوشپەندىلەر»، «التىن وردا» سىندى تاريحي ەپوپەيامەن قاتار كەڭەس ۇكىمەتى كەزىندە جارىق كورگەن ەڭبەكتەردى قازاق جانە ورىس تىلىندە وقي الادى. مەملەكەت باسشىسى قاسىم- جومارت توقايەۆ وقىرماندارعا ارناعان ۇندەۋىندە ءىلياس ەسەنبەرليننىڭ ەڭبەكتەرىن تەرەڭ زەرتتەۋسىز قازاق تاريحىن ءبىلۋ مۇمكىن ەمەس ەكەنىن اتاپ ءوتتى.

جالپى ءىلياس ەسەنبەرليننىڭ كوپتومدىعىن باسىپ شىعارۋ - وقىرمان قاۋىم ءۇشىن ماڭىزدى مادەني وقيعا. جازۋشىنىڭ شىعارمالارى ەلىمىزدە عانا ەمەس، الىس- جاقىن شەت مەملەكەتتەردە دە كەڭىنەن تانىلعان. بۇگىنگە دەيىن ءىلياس ەسەنبەرلين كىتاپتارى 7 ميلليون تيراجبەن 30-دان استام تىلگە اۋدارىلدى. بۇل ءبىزدىڭ ەلىمىزدەگى جازۋشىلاردىڭ ەڭبەكتەرى اراسىنداعى ەڭ كوپ تارالىم.

زەردەلى تۇلعا شىعارمالارىنىڭ تولىق جيناعى ءبىزدىڭ تاريحي جادىمىزدى جاڭعىرتۋعا ۇلەس قوسىپ، جاس ۇرپاق اراسىندا تۋعان ەلگە دەگەن سۇيىسپەنشىلىك پەن وتانسۇيگىشتىكتى ارتتىرۋعا سەپتىگىن تيگىزەدى.

تۇڭعىش پرەزيدەنت - ەلباسى نۇرسۇلتان نازاربايەۆ «كوشپەندىلەر» تريلوگياسىن «قازاق حالقى ءومىرىنىڭ ەنتسيكلوپەدياسى» - دەي كەلە، جازۋشى شىعارماشىلىعىنا جوعارى باعا بەرگەن ەدى.

سوڭعى جاڭالىقتار