ەلمىزدىڭ 6 وڭىرىندە اۋرۋ ءوسىمى بايقالدى

None
None
نۇر- سۇلتان. قازاقپارات - وڭىرلىك باس سانيتار دارىگەرلەردىڭ ەرەكشە شەكتەۋ شارالارىن ەنگىزۋگە قۇقىعى بار.

بۇل تۋرالى بۇگىن ق ر دەنساۋلىق ساقتاۋ ءمينيسترى ەلجان ءبىرتانوۆ ايتتى، دەپ حابارلايدى قازاقپارات ءتىلشىسى.

«سوڭعى اپتانىڭ دەرەكتەرى بويىنشا 6 وڭىردە ءوسىم بايقالدى. جاقىندا ۆەدومستۆوارالىق كوميسسيا وتىرىسىن وتكىزدىك. كەي وڭىرلەرگە قاتىستى اقپارات بەرىپ جاتىرمىز. ەڭ ۇلكەن ءوسىم - ماڭعىستاۋ، باتىس قازاقستان جانە قىزىلوردا وبلىستارىندا. شىعىس قازاقستاندا ءوسىم بولعان. ءبىراق، قازىر جاعداي رەتتەلىپ كەلە جاتىر. نۇر- سۇلتان قالاسىندا دا ءوسىم بولدى. قازىر ءوسىم 2 پايىزعا تومەندەدى»،- دەدى ول ورتالىق كوممۋنيكاتسيالار قىزمەتىندەگى بريفينگ بارىسىندا.

وسى رەتتە مينيستر اتالعان جايتقا بايلانىستى ءار وڭىردە ەرەكشە شەكتەۋ شارالارى ەنگىزىلەتىنىن ايتتى.

«وعان ارنايى قۇقىعىمىز بار. وڭىرلىك باس سانيتار دارىگەرلەردىڭ قاۋلىسىمەن وسىنداي شەكتەۋلەر كۇشىنە ەنەدى»،- دەدى ەلجان ءبىرتانوۆ. ونىڭ دەرەگىنشە، اتىراۋ وبلىسىنىڭ جىلىوي اۋدانىنداعى تەڭىز كەنىشىندە عانا كوروناۆيرۋس جۇقتىرعانداردىڭ سانى ارتىپ تۇر. ءبىراق، ءوڭىردىڭ باسقا اۋداندارىندا جاعداي ءبىرقالىپتى.

«سوندىقتان تەك سول اۋدانعا عانا شەكتەۋ شارالارى ەنگىزىلەدى»، - دەدى ول.

سوڭعى جاڭالىقتار