ستۋدەنتتەر، مەديتسينا قىزمەتكەرلەرى: اتىراۋ وبلىسىندا كوروناۆيرۋستىڭ جاڭادان 6 جاعدايى انىقتالدى

None
None
اتىراۋ. قازاقپارات - اتىراۋ وبلىسىندا كوروناۆيرۋس ىندەتىنە شالدىعۋدىڭ جاڭادان 6 وقيعاسى تىركەلدى.

بارلىعى وڭىردە 12 ناۋقاس انىقتالدى، دەپ حابارلايدى قازاقپارات ءتىلشىسى.

دەنساۋلىق ساقتاۋ باسقارماسىنان ءمالىم ەتكەندەي، سوڭعى انىقتالعان 6 ناۋقاستىڭ ەكەۋى - 25 جانە 50 جاستاعى ايەل ادامدار. ولار 21- ناۋرىز كۇنى «نۇر-سۇلتان-اتىراۋ» باعىتىنداعى پويىزبەن كەلگەن.

ايتا كەتەيىك، وسى پويىزبەن كوروناۆيرۋس ينفەكتسياسى انىقتالعان بويجەتكەن دە كەلگەن بولاتىن.

ول 27- ناۋرىزدا اۋرۋحاناعا جاتقىزىلدى. تاعى ەكى ادام - «الماتى-اتىراۋ» اۆيارەيسىمەن كەلگەن 14 جاستاعى قىز بالامەن بايلانىستا بولعاندار.

ولار - 21 جاستاعى قىز بەن جىگىت، ەكەۋى دە ستۋدەنتتەر. سوڭعى ەكى ادام - اتىراۋ قالالىق 3№ ەمحاناسىنىڭ مەديتسينا ماماندارى. 46 جانە 47 جاستاعى قىزمەتكەرلەر ىندەتتى جۇقتىرعان ايەل اداممەن بايلانىستا بولعان.

«قازىرگى ۋاقىتتا ناۋقاستار وقشاۋلاندى جانە ەمدەرىن قابىلداۋدا. ولارمەن قارىم- قاتىناس جاساعان ادامداردى ىزدەستىرۋ جۇمىستارى جۇرگىزىلۋدە»، - دەدى باسقارمادان.

سوڭعى جاڭالىقتار