شىعىس قازاقستاندا 66 جىلقى ۇرلاعان ەر ادام ۇستالدى

ش ق و پوليتسيا دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، اۋداندىق پوليتسيا بولىمىنە جۇگىنگەن ازامات بەلگىسىز بىرەۋلەردىڭ ەركىن جايىلىمنان 66 جىلقىسىن ۇرلاپ كەتكەنىن ايتىپ ارىزدانعان. وسىنىڭ سالدارىنان وعان 60 ميلليون تەڭگە مولشەرىندە ماتەريالدىق زالال كەلدى.

«جەدەل ۋاكىلدەر وقيعانىڭ ءمان- جايىن انىقتاۋعا كىرىستى. شارۋاگەر ۇيالى تەلەفونداعى موبيلدى قوسىمشا ارقىلى مالدىڭ قوزعالىسىن كەز- كەلگەن ۋاقىتتا ونلاين رەجيمدە باقىلاۋعا مۇمكىندىك بەرەتىن JPS ەلەكتروندى قۇرىلعىسىن ورناتقان. بۇل ىزدەۋ جۇمىستارىنىڭ وڭ ناتيجە بەرۋىنە ءوز سەپتىگىن تيگىزدى. ۇرلانعان مالدىڭ جۇرگەن جەرىن باقىلاي وتىرىپ، كۇدىكتى رەتىندە ءۇرجار اۋدانىنىڭ 47 جاستاعى تۇرعىنى ۇستالدى»، - دەدى وبلىستىق پ د باستىعى ساعات ماديەۆ. قازىرگى ۋاقىتتا ەر ادام ۋاقىتشا ۇستاۋ يزولياتورىنا قاماۋعا الىندى. ق ر ق ك 188-بابى 4-بولىگى (اسا ءىرى كولەمدە جاسالعان مال ۇرلىعى) بويىنشا سوتقا دەيىنگى تەرگەۋ امالدارى ءجۇرىپ جاتىر.

اۆتور: تالعاتجان مۇحامەتبەك ۇلى