اقمولادا جاڭا بيزنەس يدەيا ءۇشىن 640 گرانت جوسپارلانىپ وتىر

None
None
كوكشەتاۋ. قازاقپارات - اقمولا وبلىسىندا جاڭا بينەس يدەيالاردى جۇزەگە اسىرۋ ءۇشىن گرانت بەرىلە باستادى، دەپ حابارلايدى قازاقپارات ءتىلشىسى وبلىستىق ىشكى ساياسات باسقارماسىنا سىلتەمە جاساپ.

ۆەدومستۆونىڭ مالىمەتىنشە، بۇگىنگى كۇنى «جاپپاي كاسىپكەرلىكتى دامىتۋ» باعدارلاماسىنىڭ ەكىنشى باعىتى شەڭبەرىندە 35 ادام گرانت الدى. ايتا كەتەيىك، بۇل جوباعا جۇمىسسىز جۇرگەندەر مەن ءوزىن- ءوزى جۇمىسپەن قامتىپ وتىرعاندار جانە شاعىن قالالاردا، اۋىلدىق جەرلەردە تۇراتىندار قاتىسا الادى. جوباعا قاتىسۋ ءۇشىن «باستاۋ بيزنەس» جوباسى بويىنشا وقۋدان وتكەندىگى تۋرالى سەرتيفيكاتىنىڭ بولۋى ءتيىس. جىل سوڭىنا دەيىن كاسىپكەرلىك نەگىزى بويىنشا 1363 ادامدى وقىتۋ جوسپارلانعان. سونىڭ ءبىرى - شورتاندى اۋدانىنىڭ تۇرىعىنى ءازيز ماحمەد. ول 2019 -جىلى كاسىپكەرلىك نەگىزى بويىنشا ءبىلىم الىپ، «ەڭبەك» ءتيىمدى جۇمىسپەن قامتۋدى جانە جاپپاي كاسىپكەرلىكتى دامىتۋ» باعدارلاماسى بويىنشا اۆتوجۋۋ قۇرىلىسى ءۇشىن 4 ميلليون تەڭگە شاعىن نەسيە الدى.

ناتيجەسىندە 2020 – جىلى مامىر ايىندا كولىك جۋۋ ورنىن اشتى.

«ءوزىم سياقتى جاستارعا ايتارىم، مەملەكەت تاراپىنان ءوزىن ءوزى دامىتىپ، العا قويعان ماقساتىڭا جەتۋ ءۇشىن تاماشا مۇمكىندىك جاسالىپ وتىر. ەڭ باستىسى ماقسات قويۋ» ، - دەيدى ءازيز ماحمەد. ۆەدومستۆودان اتاپ وتكەندەي، اقمولا وبلىسىندا قازىرگى كەزدە 51 شاعىن نەسيە العان، جىل سوڭىنا دەيىن تاعى 750 ادامعا بەرۋ جوسپارلانعان. وتكەن جىلى وبلىس بويىنشا بارلىعى 645 بيزنەس باستاۋى ءۇشىن قاراجات الدى.

سوڭعى جاڭالىقتار