نۇر-سۇلتاندا كوروناۆيرۋستان 61 ادام قايتىس بولدى

None
None
نۇر-سۇلتان. قازاقپارات - نۇر- سۇلتان قالاسىنىڭ اكىمى التاي كولگىنوۆ ەلورداداعى Covid-19 جاعدايى تۋرالى ەسەپ بەردى، دەپ حابارلايدى قازاقپارات ءتىلشىسى.

«قازىرگى ۋاقىتتا كوروناۆيرۋس ي جۇقتىرعان ازاماتتار سانى 5984 كە جەتتى. ولاردىڭ 54 پايىزى نەمەسە 3248 ادام جازىلىپ شىقتى. وكىنىشكە قاراي، 61 ادام قايتىس بولدى»، - دەدى قالا اكىمى ورتالىق كوممۋنيكاتسيالار قىزمەتىندە وتكەن بريفينگىدە.

ونىڭ ايتۋىنشا، قازىرگى ۋاقىتتا ينفەكتسيالىق جانە پروۆيزورلىق ستاتسيونارلار سانى كوبەيتىلىپ جاتىر.

«پرەزيدەنت تاپسىرماسىنا سايكەس، ستاتسيونارلارداعى ورىندار ۇلعايتىلدى. مىسالى، ك ۆ ي كارانتينى باستالعان ۋاقىتتا تەك قانا ءۇش ستاتسيونار بولىپ، مىڭعا جۋىق ورىن بولسا، قازىرگى ۋاقىتتا ءبىز ستاتسيونارلار سانىن 13 كە كوبەيتتىك نەمەسە 3700 دەن استام ورىن بار. ءبىراق ونىڭ 87 پايىزى تولعان. وندا دارىگەرلەر ازاماتتاردى ەمدەپ جاتىر»، - دەدى التاي كولگىنوۆ.


سوڭعى جاڭالىقتار