ەلوردادا مەرەكە كۇندەرى ماس كۇيىندە كولىك ايداعان 60 قا جۋىق جۇرگىزۋشى ۇستالدى

None
None
نۇر-سۇلتان. قازاقپارات - ەلوردا اۋماعىندا پوليتسيا قىزمەتكەرلەرى جول-كولىك وقيعالارىنىڭ الدىن الۋ جانە جول ەرەجەسىن بۇزۋ فاكتىلەرىن انىقتاۋ ماقساتىندا رەيد وتكىزدى، دەپ حابارلايدى قازاقپارات نۇر-سۇلتان قالالىق پ د باسپا ءسوز قىزمەتىنە سىلتەمە جاساپ.

ءۇش كۇن ىشىندە 63 اكىمشىلىك قۇقىق بۇزۋشىلىق فاكتىسى تىركەلدى، ونىڭ ىشىندە ماس كۇيىندە كولىك تىزگىندەگەنى ءۇشىن 57 جۇرگىزۋشى جانە كولىك قۇرالىن باسقارۋ قۇقىعىنان ايىرىلعان 2 جۇرگىزۋشى ۇستالدى. كوممۋنالدىق تۇراققا 62 كولىك قويىلدى. بارلىق جۇرگىزۋشى ماس كۇيىندە كولىك جۇرگىزگەنى ءۇشىن سوتقا تارتىلدى. مەرەكە قارساڭىندا شۇبار شاعىن اۋدانىندا پوليتسەيلەر Nissan Maksima ماركالى كولىكتى توقتاتتى. ونى 32 جاستاعى جۇرگىزۋشى ماس كۇيىندە تىزگىندەگەن. بۇرىن ەر ادامنىڭ سوت شەشىمىمەن ق ر ا ق ب ت ك-نىڭ 608-بابى 1-تارماعى بويىنشا ماس كۇيىندە جۇرگىزگەنى ءۇشىن جۇرگىزۋشى كۋالىگىنەن ايىرىلعانى انىقتالدى.

قازىرگى ۋاقىتتا جۇرگىزۋشى قاماۋعا الىنىپ، پ د ۋاقىتشا ۇستاۋ يزولياتورىنا قامالدى، قىلمىستىق ءىس قوزعالدى. كولىك باسقارۋ قۇقىعىنان ايىرىلعان جۇرگىزۋشىگە تەمىر تۇلپاردى تىزگىندەگەنى ءۇشىن جانە ماس كۇيدە كولىك جۇرگىزگەنى ءۇشىن 5 مىڭ ا ە ك- كە دەيىنگى ايىپپۇلدان 5 جىلعا دەيىنگى مەرزىمگە باس بوستاندىعىنان ايىرۋ جازاسى تاعايىندالادى.

اۆتور: اياۋلىم التىنبەك


سوڭعى جاڭالىقتار