12:01, 02 - ناۋرىز 2021 | GMT +6
قىتايدا 5G بايلانىسى بار تەلەفونعا سۇرانىس ارتتى
نۇر-سۇلتان. قازاقپارات - قىتايدا وتكەن جىلى 5G جۇيەسىنە قوسىلعان 163 ميلليون ۇيالى تەلەفون ساتىلىپتى. مۇنداي مالىمەتتى وسى ەلدىڭ ونەركاسىپ جانە اقپاراتتاندىرۋ مينيسترلىگى جاريالادى.
مامانداردىڭ ايتۋىنشا، بيىل جاڭا بۋىن ۇيالى تەلەفوندارىنا سۇرانىس ارتادى. قازىر ولاردى پايدالانۋشىلاردىڭ قاراسى 200 ميلليونعا جەتكەن ەكەن. ال بايلانىس ءتۇرىنىڭ قۇنى تومەندەۋدە. ەلدىڭ ءىرى قالالارىندا 5 جيدىڭ بازالىق ستانتسيالارى سالىنعان. كەلەشەكتە مۇنداي ستانتسيالاردى اۋىلدى جەرلەردە دە سالۋ جوسپاردا بار.
شياو ياجين، ق ح ر ونەركاسىپ جانە اقپاراتتاندىرۋ ءمينيسترى:
- قازىر ەلدە 5 جي ۇيالى تەلەفوندارىن پايدالانۋشىلار 4 جيدى قولدانۋشىلاردان ءبىر جارىم ەسە ارتىق. ال سوڭعى 2 جىلدا بۇل بايلانىس ءتۇرىنىڭ قۇنى 46 پروتسەنتكە تومەندەدى. بىلتىر نارىقتا 5 جيدى ۇستايتىن ۇيالى تەلەفوننىڭ 218 ءتۇرى پايدا بولعان.
www.24.kz