ەلوردا اكىمدىگى بيىل 5 كوپپاتەرلى تۇرعىن ءۇيدى قولدانىسقا بەرمەكشى

نۇر-سۇلتان. قازاقپارات - ەلوردانىڭ قۇرىلىس باسقارماسى بيىل 5 كوپپاتەرلى تۇرعىن ءۇي قولدانىسقا بەرمەكشى، دەپ حابارلايدى قازاقپارات ءتىلشىسى.

بۇل تۋرالى قالالىق قۇرىلىس باسقارماسىنىڭ باسشىسى ارسەن جاڭعاسقانوۆ ايتتى.

نۇر-سۇلتان قالالىق ءماسليحاتىنىڭ دەپۋتاتتارى قالالىق قۇرىلىس باسقارماسىنىڭ ەلوردا اۋماعنىدا سالىنىپ جاتقان ءبىلىم بەرۋ، دەنساۋلىق ساقتاۋ، مادەنيەت، سپورت، مەملەكەتتىك تۇرعىن ءۇي وبەكتىلەرى تۋرالى ەسەبىن تالقىلاعان بولاتىن.

«2022-جىلى قۇرىلىس باسقارماسى 5 كوپپاتەرلى تۇرعى ءۇي كەشەنىن قولدانىسقا بەرۋدى جوسپارلاپ وتىر. ونىڭ ىشىندە سمەتاسى قىمباتتاۋىنا بايلانىستى بيىلعا قالدىرىلعان «باعىستان» تۇرعىن ءۇي كەشەنى بار. بۇگىندە جوباعا تۇزەتۋ ەنگىزىلدى. قوسىمشا قارجى ءبولىندى. سونىمەن بىرگە 82-91 اۋدانىنداعى تۇرعىن ءۇي كەشەنى بويىنشا جوباعا تۇزەتۋ جاسالىپ جاتىر. №32 نەمەسە «جاعالاۋ» اۋدانىنداعى تۇرعىن ءۇي كەشەنى سالىنىپ بىتۋگە جاقىن. قازىر وندا ىشكى ارلەۋ جۇمىستارى ءجۇرىپ جاتىر»، - دەگەن اكىمدىك وكىلى تاعى ەكى نىسان بويىنشا ماردىگەر كومپانيانىڭ اتى بەلگىلى بولعانىن ءمالىم ەتتى.

«سونداي-اق، ماقتۇمق ۇلى- ع. مۇسىرەپوۆ اۋدانىنداعى 275 پاتەرلىك ءۇي مەن 20-32 تۇرعىن ءۇي كەشەنى بويىنشا 3,2 ميلليارد تەڭگەنىڭ كونكۋرستارى جاريالانىپ، مەردىگەرلەر انىقتالدى. مەردىگەرلەر جاقسى جۇمىس ىستەسە، ەكى نىساندى دا بيىل سالىپ بىتىرۋگە بولادى. قاجەتتى قارجى قاراستىرىلىپ قويعان»، - دەدى ارسەن جاڭعاسقانوۆ.