USD 429.57 EUR 447.35
RUB 6.94 CNY 63.23
جاڭالىقتار

قۇرامىندا قانتى كوپ 5 كوكونىس

25 قاڭتار 21:57
:ءبولىسۋ

نۇر-سۇلتان. قازاقپارات - كوكونىستەر — ءتۇرلى قورەكتىك زاتتارعا، دارۋمەندەرگە، مينەرالدار مەن انتيوكسيدانتتارعا باي ەڭ پايدالى ونىمدەر.

دەگەنمەن، ولاردىڭ كەيبىرەۋلەرىنىڭ قۇرامىندا قانت مولشەرى كوبىرەك. تومەندە قۇرامىندا قانتى كوپ 5 كوكونىستى ۇسىنامىز.

ءسابىز

ءسابىز — وتە كالوريالى كوكونىسكە (ءبىر ورتاشا تۇرىندە شامامەن 31 ككال بولادى) جاتپايدى. ونداعى بارلىق كالوريا قۇرامىنداعى قانتتان كەلەدى. ارينە، سابىزدەن تولىقتاي باس تارتۋعا بولمايدى، سەبەبى ول تەمىر، كالتسي، كالي، بەتا-كاروتين جانە ا دارۋمەنىنە باي. باستىسى، ءبىر تارەلكە ءسابىز سالاتىن تاۋىسىپ جەمەس بۇرىن وندا قانشاما قانت بارىن ەسكەرىڭىز.

جۇگەرى

جۇگەرى — فوسفور، كالتسي، كالي، ماگني، تەمىر جانە ا، ۆ، ە دارۋمەندەرىنە باي وتە پايدالى كوكونىس. ءبىراق ول — وتە كراحمالدى ءارى ءتاتتى كوكونىس: ونىڭ 100 گرامىندا شامامەن 100 ككال جانە 7 گرام قانت بار. سوندىقتان جۇگەرىنى دە وتە كوپ جەۋ ۇسىنىلمايدى.

قىزىلشا

بۇل كەز كەلگەن «دۇرىس تاماقتانۋ» راتسيونىندا بولاتىن تاعى ءبىر وتە پايدالى كوكونىس. الايدا ونىڭ 100 گرامىندا شامامەن 9 گرام قانت بولادى. قىزىلشانىڭ پايداسى زور بولعاندىقتان، ودان مۇلدەم باس تارتۋ ۇسىنىلمايدى. باستىسى، ونى جەۋ كەزىندە مولشەرىن باقىلاڭىز.

كارتوپ

كارتوپتى اركىم ءارقالاي دايىنداپ جەگەندى ۇناتادى: بۋعا ءپىسىرۋ، سۋعا قايناتۋ، ەزۋ، قۋىرۋ. الايدا ونىڭ قۇرامىندا كراحمال كوپ بولعاندىقتان، ول قانداعى قانت مولشەرىن جىلدام كوتەرەدى. وعان قوسا، بۇل كوكونىس وتە كالوريالى، ادەتتە، ونى سۋعا نەمەسە بۋعا ءپىسىرىپ جەۋ ۇسىنىلادى. دەگەنمەن دە كارتوپتى بارىنشا از جەۋگە تىرىسقان ءجون.

پياز

كوپشىلىك پيازدىڭ جالعىز كەمشىلىگى — ونىڭ وزىندىك ءيىسى مەن ءدامى عانا دەپ ويلايدى. الايدا ول قۇرامىندا قانتى كوپ كوكونىستەر قاتارىنا كىرەدى: 100 گرامىندا شامامەن 6 گرام قانت بار. دەگەنمەن، ونىڭ پايداسى جايلى دا بىلەمىز. ەگەر ءسىز پياز جاقسى كورمەيتىن ادامدار قاتارىنا جاتساڭىز، ودان ۋايىمسىز باس تارتا بەرۋىڭىزگە بولادى.

massaget.kz


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات