الماتىدا 5 ادامدى اتىپ ولتىرگەن يگور دۋجنوۆتى قاماۋعا الۋ مەرزىمى ۇزارتىلدى

None
None
الماتى. قازاقپارات - الماتىدا بىرنەشە ادامعا وق اتقان يگور دۋجنوۆتى قاماۋعا الۋ مەرزىمى تاعى ءبىر ايعا ۇزارتىلدى، دەپ حابارلايدى قازاقپارات ءتىلشىسى.

«19- قاڭتاردا تەرگەۋ سوتى يگور دۋجنوۆتى قاماۋدا ۇستاۋ مەرزىمىن تاعى ءبىر ايعا، ياعني 20- اقپانعا دەيىن ۇزارتۋ تۋرالى ءوتىنىشتى قاناعاتتاندىردى»، - دەدى الماتى قالالىق سوتىنىڭ رەسمي وكىلى اباي جارىلقاسىن.

ەسكە سالايىق بيىلعى 20- قىركۇيەك كۇنى الماتىدا جەكە ۇيلەردىڭ بىرىنە كەلگەن سوت ورىنداۋشىعا، ۋچاسكەلىك پوليتسيا ينسپەكتورلارىنا ءۇي يەسى — 1967-جىلى تۋعان ازامات وق اتتى.

قىزمەت بارىسىندا بەس ادام، ونىڭ ىشىندە ەكى پوليتسيا قىزمەتكەرى وقتان جاراقات الىپ، كوز جۇمدى.

اتالعان جاعداي بويىنشا سوتقا دەيىنگى تەرگەۋ امالدارى ءجۇرىپ جاتىر. كىنالى ادام 20 جىلعا دەيىن نەمەسە ءومىر بويىنا باس بوستاندىعىنان ايىرىلۋى مۇمكىن.

قازا تاپقان پوليتسەيلەردىڭ ارتىندا 5 جانە 2 بالا قالدى. الماتى اكىمى باقىتجان ساعىنتايەۆ ولاردىڭ وتباسىنا ءتيىستى كومەك كورسەتىلەتىنى تۋرالى ايتقان بولاتىن.

كەيىنىرەك جەكە سوت ورىنداۋشىلارىنىڭ پالاتاسى وقيعاعا قاتىستى تۇسىنىكتەمە بەردى.

«بانك سەنتركرەديت» ا ق ءىس بويىنشا بارلىق قاجەتتى قۇجاتتى ۇسىناتىندارىن جانە زارداپ شەككەندەردىڭ تۋىستارىنا جان-جاقتى كومەك كورسەتەتىنىن جەتكىزدى.


سوڭعى جاڭالىقتار