قازاقستاندا ەكى جىلدا 5 بانك نارىقتان كەتتى

«2021 -جىلى بانك سەكتورىن تولەم جاساۋعا قابىلەتسىز بانكتەردەن جانە جيناقتالعان پروبلەمالىق كرەديتتەردەن قالپىنا كەلتىرۋ اياقتالدى. سوڭعى ەكى جىلدا نارىقتان 5 بانك كەتتى. 2017 -جىلدان باستاپ 8 بانكتىڭ ليتسەنزياسى قايتارىپ الىندى، 3 ءىرى بانك شوعىرلاندىرىلدى. جالپى العاندا، 2017-2021 -جىلدارى 6,6 تريلليون تەڭگە سوماداعى كرەديتتەر ەسەپتەن شىعارىلدى»، - دەدى م. ءابىلقاسىموۆا قازاقستان قارجىگەرلەرىنىڭ IX كونگرەسىندە.

ونىڭ ايتۋىنشا، بانك سەكتورىن تازارتۋ ناتيجەسىندە NPL اۋقىمدى انىقتاماسىن سيپاتتايتىن پروبلەمالىق جانە قايتا قۇرىلىمدالعان كرەديتتەر دەڭگەيى 2017 -جىلعى %40 دان 2021 -جىلعى قازانعا قاراي %10 عا دەيىن 4 ەسە تومەندەدى. بۇل رەتتە 90 كۇننەن استام مەرزىمى وتكەن NPL ءوزى %4,3 دى قۇرادى.

«جۇمىس ىستەمەيتىن اكتيۆتەردى بانكتەر بالانسىنان ەسەپتەن شىعارۋعا قاراماستان، بانك جۇيەسىنىڭ اكتيۆتەرى سوڭعى ءۇش جىلدا %41 عا ۇلعايىپ، 35,6 تريلليون تەڭگەنى قۇرادى. 2019-2020 -جىلدارى جۇرگىزىلگەن اكتيۆتەر ساپاسىن باعالاۋ (AQR) كاپيتالدىڭ قاجەتتى قورى بار ەكەنىن جۇيەلىك جانە جەكە دەڭگەيدە راستادى. AQR قورىتىندىسى بويىنشا 2020 -جىلى بانكتەردىڭ اكتسيونەرلەرى بانكتەردى 128 ميلليارد تەڭگەگە ۇستەمە كاپيتالداندىردى، قوسىمشا پروۆيزيالار اسەرى جانە اكتيۆتەر ساپاسىن جاقسارتۋ بويىنشا شارالار 600 ميلليارد تەڭگە سوماعا باعالاندى. ناتيجەسىندە بۇگىنگى كۇنى بانكتەردىڭ كاپيتال جەتكىلىكتىلىگى %25 بولدى، بۇل ەڭ از تالاپتاردان 3 ەسەگە ارتىق»، - دەدى اگەنتتىك ءتوراعاسى.

اۆتور: ايجان سەرىكجان قىزى