ۆەتنامعا ساياحات: حانويدىڭ ەڭ تانىمال 5 جەرى

ەسكى قالانىڭ تار جانە قاراۋسىز كوشەلەرى، كولىكتەردىڭ تۇراقسىز قوزعالىسى، ەجەلگى عيماراتتار، تاريحي حرامدار، جالىقپاي جۇمىس ىستەيتىن قاراپايىم ادامدار - مۇنىڭ ءبارى حانويدا ءار قادامدا كەزدەسەتىن كورىنىس.

دەگەنمەن، حانويدا ادەمى زاماناۋي عيماراتتار دا كوپ. ءسىز استانانىڭ ءار بۇرىشىنان شاعىن دۇكەندەردى تابا الاسىز. ادامدار كۇندىز-ءتۇنى تۋريستەرگە قىزمەت كورسەتۋمەن اينالىسادى: بىرەۋ ءوز اسحاناسىندا تاماق، ەكىنشىسى قولمەن جاسالعان باس كيىمدەردى ساتادى نەمەسە جولاۋشىلاردى اۆتوكولىگىمەن مەجەلى جەرگە اپارادى، كەيبىرەۋلەر جاڭا پىسكەن جەمىستەردەن سۋىق شىرىن دايىندايدى. جالپى، مۇندا بيزنەس جاقسى دامىعان.

ەگەر ءسىز حانويعا باراتىن بولساڭىز، جالىقپايتىنىڭىز انىق، ءبىراق ساپارعا دەيىن قايدا بارۋعا بولاتىنى تۋرالى جوسپار قۇرعان دۇرىس. ماسساگەت پورتالى حانويداعى ەڭ ماڭىزدى 5 جەردىڭ ءتىزىمىن ۇسىنادى.

1. Old Quarter - ەسكى كۆارتال

ەسكى كۆارتال - بۇل حانويدىڭ ەڭ ماڭىزدى ۆيزيتكاسى. بۇل ايماقتا ەسكى قالانىڭ رۋحىن بەينەلەيتىن كوپتەگەن مەيرامحانالار، قوناق ۇيلەر مەن دۇكەندەر بار. كوپتەگەن كوشەلەردە ءجۇرىپ، جەرگىلىكتى تۇرعىنداردىڭ قالىپتى ءومىرىن بايقاۋعا بولادى.

ەسكى كۆارتال سونىمەن قاتار كادەسىيلار مەن سۋۆەنيرلەردى ساتىپ الۋ ءۇشىن جاقسى ورىن. ءبىر عانا ماسەلە موتوتسيكلدەر مەن سكۋتەرلەردىڭ كوپتىگىنەن كوشەدە جۇرۋگە ورىن تابا المايسىز.

2. حوانكيەم كولى

كولدىڭ وزىندە ءۇش اتتراكتسيون بار - تاسباقا قۇلپى، گۋك قىزىل كوپىرى جانە دجەيد تاۋ حرامى.

بۇل جەر جەرگىلىكتى تۇرعىندار مەن تۋريستەردىڭ سۇيىكتى ورىندارىنىڭ ءبىرى. حوانكيەم كولى تۋرالى كوپتەگەن اڭىزدار بار. بۇل كولدەن ءبىر كەزدەرى ۆەتنام باتىرى لە لوي قىلىش تاپتى دەيدى. سودان كەيىن ول قىلىشىن قىتاي باسقىنشىلارىمەن كۇرەسۋ جانە جەڭۋ ءۇشىن قولدانعان. لە لوي كولگە العىس ايتۋ ءۇشىن بارعاندا، سەمسەر سۋعا ءتۇسىپ، ونى الىپ تاسباقا كولدىڭ تۇبىنە الىپ كەتكەن.

3. حالونگ شىعاناعى

تۋريستەر حالونگ شىعاناعى دەپ اتالاتىن جەرگە تۋرفيرمالار ارقىلى بارا الادى. بۇل جەر يۋنەسكونىڭ بۇكىل الەمدىك مۇرالار تىزىمىنە ەنۋى دە كەزدەيسوق ەمەس.

حالونگ شىعاناعى 3000 نان استام ارالدان، ۇساق جارتاستار مەن ۇڭگىرلەردەن تۇرادى.

4. سۋ قۋىرشاق تەاترىنىڭ قويىلىمدارى

حانويدا اشىق اسپان استىندا ۆەتنامنىڭ تاريحىمەن، مۋزىكاسىمەن، پوەزياسىمەن، داستۇرىمەن تانىسۋعا بولادى.

مۇندا جۇزگە جۋىق تەاتر شەبەرلەرى، جاس بالالار سۋدا كەرەمەت بيلەردى، بەينەلەۋ ونەرىنىڭ ۇلگىلەرىن، تاريحي داستاندار مەن اندەردى ورىندايدى.

ءبىر عانا ماسەلە بارلىق قويىلىم ۆەتنام تىلىندە وتەدى.

5. شەبەرلەر شىركەۋى

Chùa Thầy - شەبەرلەر حرامى XI عاسىردا سالىنعان جانە ۆەتنامداعى ەڭ كونە كورىكتى ورىنداردىڭ ءبىرى. ول ساي سون تاۋىنىڭ جانىندا، جاساندى كولدىڭ جاعاسىندا ورنالاسقان. مۇندا اعاشتاردا ءوسىپ تۇرعان قاۋىنداردى كورۋگە بولادى.