ادامزات تاريحىنداعى 5 قاۋىپتى پاندەميا جانە ولار قانشا ۋاقىتقا سوزىلدى

ادامزات تاريحىندا بۇدان باسقا دا قاۋىپتى پاندەميالار بولعان.

1. يۋستينيان وباسى

ۇزاقتىعى: 226 جىل (541-767)

ادام شىعىنى: 15-50 ميلليون ادام

بۇل قىتايدان مىسىرعا دەيىنگى كەڭ اۋماقتى جايلاعان بۋبون وباسىنىڭ العاشقى ءىرى وشاعى. پاندەميانىڭ مۇنداي كەڭ تارالۋى شەكسىز اسكەري جورىقتارمەن جانە ۆيزانتيا بيلەۋشىلەرىنىڭ بۇكىل جەرورتا تەڭىزىن ءبىر ادامنىڭ بيلىگى استىندا بىرىكتىرۋگە ۇمتىلۋىمەن تۇسىندىرىلەدى. عالىمدار ەكى عاسىر ىشىندە اۋرۋدىڭ 18 تولقىنى بولعانىن اتاپ ءوتتى.

2. ءۇشىنشى وبا پاندەمياسى

ۇزاقتىعى: 100 جىل (1850-1950)

ادام شىعىنى: 15 ميلليون ادام

وبا قىتايدا پايدا بولىپ، ءارى قاراي ءۇندىستانعا تارايدى. ⅩⅩعاسىردىڭ ورتاسىندا عانا اۋرۋدىڭ ءورشۋىن وقشاۋلاۋعا مۇمكىندىك تۋدى.

3. تىرىسقاق (حولەرا)

ۇزاقتىعى: 11 جىل (1836-1847)

ادام شىعىنى: 2 ميلليون ادام

تىرىسقاق ەۋروپانى عانا ەمەس (ونىڭ ىشىندە رەسەيدى دە)، ا ق ش- تى دا قامتىعان العاشقى پاندەميالاردىڭ ءبىرى بولدى. بۇل اۋرۋدى ميگرانتتار مەن ساۋداگەرلەر اكەلگەن.

4. قارا ءولىم

ۇزاقتىعى: 7 جىل (1347-1354)

ادام شىعىنى: 55 ميلليون ادام

بۇل دارىگەرلەر وتە قورقىنىشتى كەيىپكە ەنگەن ەڭ تانىمال وبا پاندەمياسى. العاشقى ىندەت سولتۇستىك افريكادا باستالىپ، تەڭىزشىلەر ارقىلى فرانسيا مەن انگلياعا تارادى. ادامنىڭ مۇنداي ۇلكەن شىعىنىن ءتيىمسىز ەمدەۋمەن تۇسىندىرۋگە بولادى: ناۋقاستار شوپتەرمەن ەمدەلگەن.

5. يسپان تۇماۋى

ۇزاقتىعى: 2 جىل (1918-1920)

ادام شىعىنى: 50 ميلليون ادام

العاشقى ناۋقاستار امەريكانىڭ كانزاس شتاتىنىڭ تۇرعىندارى بولدى. ول كەزدە ءبىرىنشى دۇنيەجۇزىلىك سوعىس ءجۇرىپ، ۆيرۋس ەۋروپاعا اسكەري كۇشتەرمەن كەلدى. بۇل پاندەميا بولعاندىقتان، ونىڭ تارالۋىمەن كارانتين ارقىلى كۇرەسىلدى، سوندىقتان ول تەك ادام ومىرىنە عانا ەمەس، سونىمەن بىرگە ەكونوميكالىق شىعىندارعا دا اكەلدى.

www.24.kz