بيىل قازاقستاندا ءبىلىم گرانتتارىنىڭ سانى 5 مىڭعا ارتادى

None
None
نۇر- سۇلتان. قازاقپارات - 2021 -جىلى ءبىلىم گرانتتارىنىڭ سانى 5 مىڭعا ارتادى، دەپ حابارلايدى قازاقپارات.

بۇل تۋرالى بۇگىن ق ر پرەزيدەنتى جانىنداعى ورتالىق كوممۋنيكاتسيالار قىزمەتى الاڭىندا وتكەن بريفينگتە ءبىلىم جانە عىلىم ءمينيسترى اسحات ايماعامبەتوۆ مالىمدەدى.

«كەلەسى وقۋ جىلىنا باكالاۆريات باعدارلاماسى بويىنشا 51561 گرانت ءبولىندى، ونىڭ ىشىندە «سەرپىن» باعدارلاماسى دا بار. سونىمەن قاتار Nur Otan پارتياسىنىڭ سايلاۋالدى باعدارلاماسىن جۇزەگە اسىرۋ جونىندەگى جول كارتاسى شەڭبەرىندە تاعى 5000 گرانت ءبولۋ قاراستىرىلعان. باكالاۆريات باعدارلاماسى بويىنشا گرانتتىڭ جالپى سانى - 56561. ماگيستراتۋرا بويىنشا - 13263 ، دوكتورانتۋرا - 1890. كادر دايارلاۋعا ارنالعان گرانتتار قاجەتتى باعىتتار بويىنشا بولىنەدى»، - دەپ اتاپ ءوتتى ۆەدومستۆو باسشىسى.

سونداي- اق اسحات ايماعامبەتوۆ جوعارى ءبىلىمنىڭ قولجەتىمدىلىگىن ارتتىرۋ ءۇشىن 2025 -جىلعا دەيىن گرانت سانى % 50- عا ارتاتىنىن اتاپ ءوتتى.

ايتا كەتكەن ءجون، جىل سايىن جاس عالىمدارعا 1000 گرانت بولىنەدى. ال 500 قازاقستاندىق عالىم «بولاشاق» باعدارلاماسى اياسىندا تانىمال الەمدىك عىلىمي ورتالىقتارعا تاعىلىمدامادان وتۋگە جىبەرىلەدى.

سوڭعى جاڭالىقتار