+7 (701) 759 90 19
-18 °С : نۇر-سۇلتان
1 °С : الماتى
USD 419.87 EUR 508.04
RUB 5.7 CNY 65
جاڭالىقتار

بولاشاقتا جويىلىپ كەتەتىن الەم ەلدەرىنىڭ 5 ۇلتتىق ءداستۇرى

8 جەلتوقسان 20:49
:ءبولىسۋ
بولاشاقتا جويىلىپ كەتەتىن الەم ەلدەرىنىڭ 5 ۇلتتىق ءداستۇرى

نۇر-سۇلتان. قازاقپارات - قازىرگى قوعامنىڭ دامۋى عاسىرلار بويعى جالعاسىپ كەلە جاتقان كەيبىر داستۇرلەرگە قاۋىپ ءتوندىرىپ جاتىر.


ХХІعاسىرداعى تەحنولوگيا مەن اقپاراتتىڭ جارىق جىلدامدىعىنداي دامۋى الەم حالقىنىڭ اتا- باباسىنان جالعاسىپ كەلە جاتقان كەيبىر كاسىبىن كەرەكسىز ەتتى. نازارىڭىزعا بولاشاقتا جويىلىپ كەتەتىن الەم ەلدەرىنىڭ 5 ۇلتتىق ءداستۇرىن ۇسىنامىز.

بالىق اۋلاۋ، شري- لانكا

شري- لانكادا بالىقشىلار ارنايى بيىك باعانعا شىعىپ الىپ، بالىق اۋلاۋدى ادەتكە اينالدىرعان. جەرگىلىكتى تۇرعىندار بالىق اۋلاۋدىڭ بۇل تۇرىمەن ەكىنشى دۇنيەجۇزىلىك سوعىس كەزىندە شۇعىلدانا باستادى. سودان كەيىن شري- لانكالىقتار بالىق اۋلاۋ ءۇشىن ۇشاقتار مەن كەمەلەردىڭ سىنىقتارىن بيىك باعان رەتىندە پايدالاندى. وكىنىشكە وراي، 2004 -جىلعى سۋنامي جاعالاۋ سىزىعىن وزگەرتتى، ەندى بۇل ءداستۇر جويىلىپ بارادى. ونىڭ ۇستىنە كەيىنگى ۇرپاق بۇلاي بالىق اۋلاۋ ءتۇرىن قولايسىز دەپ ەسەپتەيدى.

كولەڭكەلەر ويىنى، قىتاي

جۇزدەگەن جىل بويى قىتايداعى كولەڭكەلەر ويىنى ەلدەگى مەرەكەلەر كەزىندە ويىن- ساۋىقتىڭ نەگىزگى ءتۇرى بولعان. بۇل ءتۇرلى- ءتۇستى ەجەلگى ءداستۇر مۋزىكانىڭ سۇيەمەلدەنۋىمەن وتە اسەرلى كورىنەدى. ادەتتە قويىلىمعا قۋىرشاقتاردى ەكراننىڭ ارعى جاعىنان باسقاراتىن شامامەن جەتى اكتەر قاتىسادى. قىتايلىق ساراپشىلاردىڭ پىكىرىنشە، كولەڭكەلى پەسالار قويىلىمى جاقىن ارادا جويىلىپ كەتەدى. وعان سەبەپ، زاماناۋي ءومىر سالتى، يندۋستريالاندىرۋ، ۋربانيزاتسيا جانە زاماناۋي مادەنيەتتىڭ ىقپالى.

توقىما ونەركاسىبى، لاوس

لۋانگ پرابانگ لاوستاعى توقىما ونەركاسىبىنىڭ ورتالىعى سانالادى. ءداستۇرلى توقىماشىلار، كاتۋ تايپاسىنىڭ مۇشەلەرى سياقتى، ءالى كۇنگە دەيىن اتا- بابالارى جۇزدەگەن جىل بۇرىن قولدانعان تاسىلدەردى قولدانا وتىرىپ، كىلەم توقيدى. كەيىنگى جىلدارى بۇل كەدەيلەنگەن ازيالىق ەلدە تۋريزم يندۋسترياسى قارقىندى دامىپ كەلەدى. 2012 -جىلى لاوس 3,3 ميلليوننان استام شەتەلدىك تۋريستەردى قابىلدادى. ولاردىڭ باسىم بولىگى قىتاي مەن تايلاندتان كەلگەن قوناقتار. شەتەلدىك قوناقتاردىڭ ەداۋىر ءوسۋى تۋريزم يندۋسترياسىنا ءتيىمدى بولعانىمەن، توقىما ونەركاسىبىنە كەرى اسەر ەتتى. تۋريستەر اعىنىنىڭ ارتۋى لاوستىڭ توقىما ونىمدەرىنە سۇرانىستىڭ ارتۋىنا سەبەپ بولدى. سۇرانىستىڭ كەنەتتەن ءوسۋىن قامتاماسىز ەتۋ ءۇشىن ساۋداگەرلەر جالعان لاو توقىما ونىمدەرىن ساتىپ جاتىر.

شىنى ۇرلەگىشتەر، رۋمىنيا

كلاسسيكالىق، قولمەن جاسالعان رۋمىن اينەگىنە سۇرانىس وتە جوعارى. ءبىراق عاسىرلار بويى جالعاسىپ كەلە جاتقان ءداستۇرلى كاسىپ جاقىن ارادا جويىلىپ كەتۋى مۇمكىن. سوعان قاراماستان جاڭا ۇرپاق ءوز ءومىرىن وسىنداي رەترو كاسىپپەن بايلانىستىرۋعا تىرىسادى. قازىرگى ۋاقىتتا ەل ۇكىمەتى ءداستۇرلى قولونەرگە قولداۋ كورسەتىپ جاتىر.

اما- دايۆينگ، جاپونيا

اما- دايۆينگ - ەجەلگى جاپون ءداستۇرى. ءداستۇر بويىنشا دايۆينگشى ەشقانداي تىنىس الۋ قۇرالىن قولدانباي بالىق پەن باسقا تەڭىز جانۋارلارىن اۋلايدى. اما- دايۆينگ وسىنىسىمەن دە قاۋىپتى. ونىڭ ۇستىنە، ءداستۇر دايۆينگشى تەك ايەل ادام بولۋىن تالاپ ەتەدى. ارحەولوگيالىق دەرەكتەر جاپونيادا، اسىرەسە شيما تۇبەگىندەگى تۇرعىندار ەجەلگى داۋىردەن باستاپ اما- دايۆينگپەن اينالىسقانىن كورسەتەدى. قازىر بۇل كاسىپ جوعالىپ بارادى، ويتكەنى ەكونوميكالىق ورلەۋ ايەلدەرگە جاقسى جۇمىس تابۋعا مۇمكىندىك بەردى.

massaget.kz


#الةم  
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات