قالا ارالىق اۆتوبۋستار 5 - ماۋسىمنان باستاپ قاتىنايدى – ي ي د م

2020 -جىلى 13 - مامىردا قازاقستان رەسپۋبليكاسى اۋماعىندا كوروناۆيرۋس ينفەكسياسىنىڭ تارالۋىنا جول بەرمەۋ جونىندەگى ۆەدومستۆوارالىق كوميسسيانىڭ شەشىمىنە سايكەس، 5 - ماۋسىمىنان باستاپ اۆتوموبيل كولىگىمەن جولاۋشىلار تاسىمالى قالپىنا كەلتىرىلەدى.

جولاۋشىلاردى اۆتوبۋستارمەن تاسىمالداۋ كەزىندە تاسىمالداۋشىلاردىڭ ءتيىستى جۇمىس الگوريتمى باس سانيتارلىق دارىگەردىڭ قاۋلىسىنىڭ تالاپتارىن ەسكەرە وتىرىپ ازىرلەندى.

اتاپ ايتقاندا، باعداردىڭ سوڭعى پۋنكتىندە اۆتوبۋسقا دەزينفەكسيا جۇرگىزۋ؛

جولاۋشىلاردى سالونعا ماسكامەن عانا كىرگىزۋ؛

جولاۋشىلاردىڭ 1 مەتر قاشىقتىقتى ۇستانۋى؛

جۇرگىزۋشىنى قولعاپ، ماسكامەن قامتاماسىز ەتۋ، ونى ءاربىر 2 ساعات سايىن اۋىستىرۋ؛

اۆتوپارك قىزمەتكەرىن ەكى اپتادا 1 رەت كوروناۆيرۋسقا تەرىس ناتيجە تۋرالى انىقتاما بولعان كەزدە عانا جۇمىسقا شىعارۋ سياقتى تالاپتار قويىلادى. اكىمدىكتەر جولاۋشى تاسىمالى كەزىندە كوروناۆيرۋس ينفەكسيانىڭ تارالۋىنىڭ الدىن الۋدا ءتيىمدى بولۋ ءۇشىن تاسىمالداۋ پروتسەسىنە قاتىسۋشىلاردىڭ وسى الگوريتمگە سايكەستىگىن قامتاماسىز ەتۋگە قاجەتتى شارالاردى قابىلداۋى ءتيىس.

قازىرگى ۋاقىتتا رەسپۋبليكادا 313 قالاارالىق باعىت بار. ولاردى 610 اۆتوبۋسپەن (سىيىمدىلىعى 45-55 ورىندىق III ساناتتاعى اۆتوبۋستار) 88 تاسىمالداۋشى كاسىپورىن اتقارادى.

ەسكە سالا كەتسەك، 1- ماۋسىمنان قالالار اراسىندا بلوكپوستار الىپ تاستالادى. جەكە اۆتوكولىكپەن قالالار اراسىندا ساپارلاۋعا رۇقسات ەتىلەدى.

ايتا كەتەيىك، 19- ناۋرىزدان باستاپ نۇر- سۇلتان مەن الماتى قالالارىندا كارانتين جاريالاندى. سول كەزدەن باستاپ ەلوردادان شىعاتىن قالا ارالىق اۆتوبۋستاردىڭ قوزعالىسىنا تىيىم سالىندى. ال، شىمكەنتتەن ەلوردا مەن الماتىعا قاتىنايتىن اۆتوبۋستار 18- ناۋرىزدا توقتاتىلدى.