ديماشتىڭ 5 ەلدەگى فاناتتارى «دايديداۋدى» ورىنداپ، ۆيدەو جاريالادى

نۇر-سۇلتان. قازاقپارات - ديماش قۇدايبەرگەننىڭ 5 ەلدەگى فاناتتارى «دايديداۋ» ءانىن ورىنداپ، ۆيدەو جاريالادى، دەپ حابارلايدى قازاقپارات dimashnews سايتىنا سىلتەمە جاساپ.

ۆيدەو ا ق ش-تاعى فان-كلۋبتىڭ YouTube-كانالىندا جاريالاندى. بيىلعى ناۋرىز ايىنىڭ باسىندا «Dimash USA FC» اتالاتىن امەريكالىق فان- كلۋبتا ديماشتىڭ تۋعان كۇنىنە وراي قۇتتىقتاۋ ۆيدەوروليك ءتۇسىرۋ يدەياسى تۋىنداعان.

ديماش ورىنداعان ءاندى ونىڭ انا تىلىندە حورمەن شىرقاۋ ۇسىنىلادى. فاناتتار «دايديداۋ» انىنە توقتايدى. سەبەبى ونىڭ نيۋ- يوركتەگى كونتسەرتىندە بولعان امەريكالىق فاناتتار ءۇشىن بۇل ءاننىڭ ماڭىزى زور. وسىلايشا، فان-كلۋب اكىمشىسى «FaceTime» ارقىلى ۆيدەوقوڭىراۋ ستيلىندە ۆيدەو جازىپ، ءوز يدەيالارى تۋرالى ايتقان.

وزگە فاناتتار دا قولدايدى دەگەن سەنىممەن ونى فان-كلۋبتىڭ Facebook-تەگى رەسمي اككاۋنتىنا ورنالاستىرعان. قۇلاققاپ كيىپ، ديماشتىڭ «دايديداۋ» ءانىن ۋنيسون ورىنداۋ قاجەتتىگى ايتىلادى. ءبىراق ۆيدەودا تەك ولاردىڭ عانا داۋىسى ەستىلۋى ءتيىس بولدى.

ۆيدەولار جينالعان سوڭ، فان-كلۋب اكىمشىسى ولاردى تۇتاس ءبىر روليككە بىرىكتىرگەن. امەريكالىق فاناتتاردىڭ ايتۋىنشا، قازاق تىلىندە ءان ايتۋ وڭايعا سوقپاعان. ءبىراق قىزىق بولعان. ترانسليتەراتسيانىڭ كومەگى دە تيگەن. ءبىرقاتار جانكۇيەر بەكۆوكال جازىپ، ءاندى ودان ءارى ارلەي تۇسكەن.

«جالپى العاندا، حورعا ا ق ش-تىڭ 7 شتاتى مەن ءتورت مەملەكەتتەن (نيدەرلاندى، كانادا، كولۋمبيا، ءۇندىستان) 21 ادام قاتىستى. سونىمەن بىرگە، ا ق ش- تىڭ 21 شتاتىنان جانە ءتورت ەلدەن (ارگەنتينا، برازيليا، كانادا، نيدەرلاندى) 102 فاناتتىڭ قۇتتىقتاۋ لەبىزدەرى ۆيدەوعا جازىپ الىندى» ، - دەلىنگەن سايتتا.

ەسكە سالا كەتسەك، 24-مامىردا ديماش 26 جاسقا تولدى. الەمنىڭ بىرنەشە ەلىندەگى جانكۇيەرلەر وعان ءتۇرلى قۇتتىقتاۋلار جولدادى.

ال قىتايلىق فاناتتار ءانشىنىڭ قۇرمەتىنە ءشول دالاعا 3 مىڭ اعاش وتىرعىزدى. سونىمەن بىرگە، ديماش Instagram پاراقشاسىندا جانكۇيەرلەرىمەن قاۋىشىپ، ولاردىڭ سۇراقتارىنا جاۋاپ بەردى.

بۇدان بولەك، ونىڭ تۋعان كۇنى قۇرمەتىنە Dimash Manga (Manga D’R’S’) جاڭا رەسمي جوبا تانىستىرىلدى. Manga D’R’S’ - بۇل ەرەكشە جانە قىزىقتى سيۋجەتى بار جاپون كوميكستەرى (مانگا) جانرىنداعى شىعارمالار تسيكلى. كوميكستى الەمنىڭ 7 تىلىندە ەلەكتروندى نەمەسە باسپا تۇرىندە ارنايى سايتتان ساتىپ الۋعا بولادى. وقيعا جەلىسى 2019 -جىلدىڭ 10-جەلتوقسانىندا ديماشتىڭ نيۋ-يوركتەگى كونتسەرتىنەن باستاۋ الادى. Manga D’R’S’ شامامەن 1-شىلدەدە ساتىلىمعا شىعا باستايدى.

ال ەستونيانىڭ تاللين قالاسىنداعى تاريحي ساياباقتا ءانشىنىڭ قۇرمەتىنە كوشەت وتىرعىزىلىپ، جانىنا ەستەلىك بەلگى قويىلدى.