ەلورداداعى «سەرگەكتەر» 57 مىڭعا جۋىق جول ەرەجەسىن بۇزۋ دەرەگىن تىركەدى

نۇر-سۇلتان قالاسى پوليتسيا دەپارتامەنتىنىڭ اپاتتىق تالداۋىنا سايكەس، 2022-جىلدىڭ باسىنان بەرى 162 ج ك و ورىن العان، وندا 3 ادام قازا تاۋىپ، 175 ادام جاراقات الدى.

جۇرگىزۋشىلەر جاساعان بۇزۋشىلىقتاردىڭ جالپى سانى 31 مىڭنان اسادى.

«بۇگىنگى تاڭدا ەلوردا اۋماعىندا 6 مىڭنان استام كامەرا ورناتىلىپ، 56 مىڭ 724 جول قوزعالىسى ەرەجەسىن بۇزۋ فاكتىسى تىركەلدى. ولاردىڭ دەنى جىلدامدىق رەجيمىن ارتتىرعان مەن بەلگىلەنبەگەن جەردە توقتاپ تۇرعان. سونىمەن قاتار، سيفرلاندىرۋ باسقارماسى 26 ۋچاسكەدە ورناتىلعان رەتتەلەتىن جاياۋ جۇرگىنشىلەر وتكەلىنىڭ تىيىم سالۋ سيگنالىنا ءوتۋىن «سەرگەك» كامەرالارىمەن تىركەۋ فۋنكسياسىن ازىرلەدى. سونداي-اق، «استانا تۇراق كەڭىستىگى» كومپانياسىمەن بىرلەسىپ، تۇراق ەرەجەلەرىن بۇزۋ فاكتىلەرىن، ونىڭ ىشىندە ەكىنشى قاتاردا جانە قوعامدىق كولىك ايالدامالارىندا تىركەۋ بويىنشا پيلوتتىق جوبا ىسكە اسۋدا»، - دەپ جازىلعان حابارلامادا.

وندا جۇرگىزۋشىلەر نازارىن اۋدارۋ جانە اۆتوكولىكتەردىڭ جىلدامدىعىن ماجبۇرلەپ تومەندەتۋ ءۇشىن 23 ۋچاسكەدە كوتەرىڭكى جاياۋ جۇرگىنشىلەر وتكەلى جابدىقتالعانى تۋرالى مالىمەت بار.

سونىمەن قاتار، وتكەن جىلدان بەرى رەتتەلمەيتىن جاياۋ جۇرگىنشىلەر وتكەلدەرىنىڭ الدىنا 267 جاساندى جول بۇدىرلارى سالىندى.

اتالعان ۋچاسكەلەردە جول-كولىك وقيعالارىنىڭ سانى ەكى ەسەگە تومەندەگەنى بايقالدى.