وليمپيادا: مەدال كەستەسىندە قازاقستان 52-ورىندا تۇر

بۇگىن دە قازاقستان قۇراماسىنىڭ كوماندالىق ەسەپتەگى كورسەتكىشى جاقسارعان جوق. دزيۋدوشى ەلدوس سمەتوۆ، اۋىر اتلەتتەر يگور سون مەن زۋلفيا چينشانلو قورجىنعا سالعان قولا مەدالمەن كەستەنىڭ 52-ساتىسىنا تۇراقتادى. كەشەدەن بەرى بۇل ورىندى قازاقستانمەن ۋكراينا كومانداسى ءبولىسىپ تۇر. 28 -شىلدەنىڭ قورىتىندىسى بويىنشا مەدال العان مەملەكەتتەردىڭ سانى 62 گە جەتتى. كوماندالىق ەسەپتە مەدال سانى بويىنشا ءالى دە جاپونيا كوش باسىندا كەلەدى. جارىس يەلەرىنىڭ قورجىنىندا 13 التىن، 4 كۇمىس، 5 قولا مەدال بار.

بۇگىن ا ق ش- تى ءۇشىنشى ورىنعا ىسىرعان قىتاي قۇراماسى جاپونيانى وكشەلەپ قالدى دەسە دە بولادى. ەنشىسىندە 12 التىن، 6 كۇمىس، 9 قولا مەدال بار. ال ا ق ش 11 التىن، 11 كۇمىس، 9 قولا مەدالمەن ۇشتىكتى تۇيىندەدى. مەدال سانى بويىنشا العاشقى وندىقتان ورىن الىپ تۇرعان كوماندالاردىڭ كورسەتكىشتەرى مىناداي:

1. جاپونيا - 13-4-5

2. قىتاي - 12-6-9

3. ا ق ش - 11-11-9

4. رەسەي - 7-10-6

5. اۋستراليا- 6-1-9

6. ۇلى بريتانيا - 5-6-5

7. وڭتۇستىك كورەيا - 4-2-5

8. گەرمانيا - 3-2-5

9. فرانسيا - 3-2-3

10. نيدەرلاند - 2-6-3 بيىل ءدۇبىرلى دودادا 33 سپورت تۇرىنەن 339 مەدال جيىنتىعى ساراپقا سالىنادى. ايتۋلى الامانعا جەر بەتىندەگى 206 مەملەكەتتەن 11 مىڭنان استام سپورتشى قاتىسۋدا.

بۇعان دەيىن قازاقستان قۇراماسى التى جازعى وليمپيادا ويىندارىنا قاتىسقان بولاتىن. جالپى مەدال جيىنتىعى: 21 التىن، 28 كۇمىس، 64 قولا مەدال.