قازاق سپورتشىلارى بەيجىڭ وليمپياداسىنىڭ ليتسەنزياسى ءۇشىن 50 گە جۋىق تۋرنيرگە قاتىسادى

بۇل جايىندا سەنات دەپۋتاتتارىنىڭ ساۋالىنا ق ر مادەنيەت جانە سپورت ۆيتسە-ءمينيسترى نۇرقيسا داۋەشوۆتىڭ جاۋابىندا ايتىلعان، دەپ حابارلايدى قازاقپارات ءتىلشىسى.

«2021 -جىلعى 2-قىركۇيەكتە پرەمەر- ءمينيستردىڭ ورىنباسارى ە. توعجانوۆتىڭ توراعالىعىمەن بۇقارالىق سپورتتى دامىتۋ جانە بەيجىڭ قالاسىندا (قىتاي) وتەتىن 2022 -جىلعى XXIV قىسقى وليمپيادا ويىندارىنا دايىندىق ماسەلەلەرى بويىنشا مۇددەلى مەملەكەتتىك ورگانداردىڭ، بارلىق وڭىرلەر اكىمدەرى ورىنباسارلارىنىڭ، باس جاتتىقتىرۋشىلاردىڭ، قىسقى سپورت تۇرلەرى بويىنشا فەدەراتسيالاردىڭ، ۇلتتىق وليمپيادا كوميتەتىنىڭ قاتىسۋىمەن كەڭەيتىلگەن كەڭەس ءوتتى. وندا، تيىسىنشە، قىسقى سپورت تۇرلەرىن دامىتۋدىڭ پروبلەمالىق ماسەلەلەرى بويىنشا حاتتامالىق تاپسىرمالار بەرىلدى. سونداي- اق، قىسقى سپورت تۇرلەرى بويىنشا قازاقستان رەسپۋبليكاسىنىڭ شتاتتىق قۇراما كوماندالارى باس جاتتىقتىرۋشىلاردىڭ جەكە باسشىلىعىمەن بەكىتىلگەن جەكە دايىندىق جوسپارلارىنا سايكەس قىسقى وليمپيادا ويىندارىنا بەلسەندى دايىندالۋدا»، - دەلىنگەن ۆيتسە-مينيستر جاۋابىندا. ونىڭ دەرەگىنشە، 2020 -جىلدان باستاپ 2022 -جىلعى قىسقى وليمپيادا ويىندارىنا ليتسەنزيالاردى جەڭىپ الۋ بويىنشا ءتۇرلى الەمدىك ليتسەنزيالىق، رەيتينگىلىك تۋرنيرلەر وتكىزىلەدى. قازاقستاندىق سپورتشىلار، سونداي- اق باسقا ەلدەردىڭ سپورتشىلارى دا وسى تۋرنيرلەرگە قاتىسا وتىرىپ، وليمپيادا ويىندارىنا قاتىسۋ ءۇشىن رەيتينگىلىك ۇپاي جينايدى.

«سوڭعى ليتسەنزيالىق تۋرنير 2022 -جىلدىڭ قاڭتار ايىندا وتەدى. 2022 -جىلعى قاڭتار ايىنىڭ سوڭىندا رەيتينگىلىك تۋرنيرلەردىڭ قورىتىندىلارى شىعارىلىپ، ليتسەنزيالاردىڭ سانى ايقىندالاتىن بولادى. ايتا كەتۋ كەرەك، وليمپيادا ويىندارىنىڭ الدىندا سپورتشىلارىمىز 50 گە جۋىق ليتسەنزيالىق تۋرنيرگە قاتىسۋدى جوسپارلاپ وتىر. قازاقستاندىق سپورتشىلار شاڭعى جارىسى، بياتلون، كونكيمەن جۇگىرۋ سپورتى، شورت- ترەك، فريستايل- موگۋل، فريستايل اكروباتيكا جانە تۇعىردان شاڭعىمەن سەكىرۋ بويىنشا ىرىكتەۋ جارىستارىنا قاتىسادى»، - دەدى نۇرقيسا داۋەشوۆ.

اۆتور: مارلان جيەمباي