تۇركىستان وبلىسىندا 500 مۇعالىم سانات كوتەرۋ سەرتيفيكاتىن ساتىپ الدى دەگەن كۇدىككە ءىلىندى

None
None
تۇركىستان. قازاقپارات - تۇركىستان وبلىسىندا 500-گە جۋىق ۇستاز سانات كوتەرۋ سەرتيفيكاتىن ساتىپ الدى دەگەن كۇدىككە ءىلىندى. قازىر سەرتيفيكاتتاردى قۇزىرلى ورگاندار تەكسەرۋ ۇستىندە، دەپ حابارلايدى قازاقپارات ءتىلشىسى.

تۇركىستان وبلىسىندا ۇستازداردىڭ ساناتىن كوتەرۋگە ارنالعان سەرتيفيكاتتاردىڭ ساتىلاتىندىعى جايىندا الەۋمەتتىك جەلىدە اقپارات تاراعان بولاتىن. اتالعان فاكتىنىڭ ورىن العانىن وبلىستىق ادامي الەۋەتتى دامىتۋ باسقارماسىنىڭ باسشىسى ءدىنيسلام بولاتحان ۇلى راستادى.

«وكىنىشكە قاراي، سونداي فاكتىلەر انىقتالدى. ءبىز بارىنشا اشىقتىق ساياساتىن ۇستانىپ وتىرىز. الەۋمەتتىك جەلىدە بولىپ جاتقان ماسەلەلەردى ءجىتى قاداعالايمىز. رەسمي تۇردە قۇزىرەتتى ورگاندارعا تەرگەۋ امالدارىن جۇرگىزۋ ءۇشىن سول سەرتيفيكاتتاردىڭ بارلىعىن جولدادىق. قازىرگى تاڭدا ءبىز قۇزىرلى ورگاندار انىق- قانىعىن ايتىپ بەرەدى دەپ ۇمىتتەنىپ وتىرمىز. ونداي ادامداردىڭ جالعان ديپلوم، جالعان سەرتيفيكاتتارمەن ءبىلىم وشاقتارىندا جۇمىس ىستەۋىنە مورالدىق قۇقىعى جوق دەپ ەسەپتەيمىن»، - دەدى ءدىنيسلام بولاتحان ۇلى.

اۆتور: قايرات زاينيشيەۆ


سوڭعى جاڭالىقتار