تۇرمىستىق زورلىق- زومبىلىق: 500 دەن استام ادام داعدارىس ورتالىعىنا باعىتتالدى

بۇل تۋرالى ق ر ءى ءى م اكىمشىلىك پوليتسيا كوميتەتى يۋۆەنالدى پوليتسيا جانە ايەلدەردى زورلىق- زومبىلىقتان قورعاۋ باسقارماسىنىڭ باسشىسى اسەت وسپانوۆ ءمالىم ەتتى، دەپ حابارلايدى قازاقپارات ءتىلشىسى.

«ۇيدەگى زورلىق- زومبىلىققا ۇشىراعاندارعا كومەك كورسەتۋ ماقساتىندا ۇكىمەتتىك ەمەس سەكتورمەن تىعىز قارىم- قاتىناستامىز. ولار بۇل سالادا وزدەرىنىڭ وڭتايلى ەلەۋلى ۇلەسىن قوسىپ كەلەدى. ەلىمىزدە 41 داعدارىس ورتالىعى قىزمەت ەتۋدە، ونىڭ ىشىندە 29 ىندا پانالايتىن ورىن بار. بۇل جەرلەردە زارداپ شەككەن ادامدارعا جان- جاقتى كومەك كورسەتىلەدى» ، - دەدى ول ورتالىق كوممۋنيكاتسيالار قىزمەتىندە.

بيىل داعدارىس ورتالىقتارىنا تۇرمىستىق زورلىق- زومبىلىققا ۇشىراعان 500 دەن استام ادام باعىتتالعان.

«سونىمەن قاتار، كارانتين كەزەڭىندە وسىنداي جاندار ءۇشىن بارلىق اكىمدىكتەرمەن بىرلەسە قوناق ءۇي قورىنان رەزەرۆ قۇرۋ بويىنشا جۇمىستار جۇرگىزىلدى. وسى ورايدا الماتى قالاسىندا جانە تۇركىستەن وبلىسىندا قوسىمشا 50 ورىننان ءبولىندى» ، - دەدى ءا. وسپانوۆ.

بۇدان بۇرىن حابارلانعانداي ، كوروناۆيرۋس ىندەتى كەزىندە ەلىمىزدە تۇرمىستىق زورلىق- زومبىلىق 21 پايىزعا ءوستى. ايتا كەتەيىك، ءوزىن- ءوزى وقشاۋلاۋ كەزەڭىندە وتباسىلىق- تۇرمىستىق قاتىناستار سالاسىندا قۇقىققا قايشى ارەكەتتەر ءۇشىن اكىمشىلىك جاۋاپكەرشىلىككە 8 مىڭنان استام قۇقىق بۇزۋشىلار تارتىلدى. بيىلعى ناۋرىزدان بەرى تۇرمىستىق زورلىق- زومبىلىقتان 33 قازاقستاندىق كوز جۇمدى.