بيىل 5,8 مىڭ شاقىرىم جولدا تولەم الۋ جۇيەسى ەنگىزىلەدى

None
None
نۇر- سۇلتان. قازاقپارات - بيىل ەلىمىزدە 5,8 مىڭ شاقىرىم جولدا تولەم الۋ جۇيەسى ەنگىزىلەدى. بۇل تۋرالى ق ر يندۋستريا جانە ينفراقۇرىلىمدىق دامۋ مينيسترلىگى اۆتوموبيل جولدارى كوميتەتىنىڭ ءتوراعاسى سايرانبەك بارماقوۆ ايتتى، دەپ حابارلايدى قازاقپارات ءتىلشىسى.

«قازىرگى ۋاقىتتا رەسپۋبليكا بويىنشا ۇزاقتىعى 682 شاقىرىم بولاتىن 4 اقىلى ۋچاسكە جۇمىس ىستەيدى. ولار - «نۇر- سۇلتان- شۋچە»، «نۇر- سۇلتان- تەمىرتاۋ»، «الماتى- قورعاس»، «الماتى- قاپشاعاي». وسى ۋچاسكەلەردەن جينالعان الىمدار مولشەرى بۇگىنگى تاڭدا 2,6 ميلليارد تەڭگەنى قۇرادى. ءوزىن- ءوزى قامتاماسىز ەتۋ ماقساتىندا ينۆەستيتسيالىق كونكۋرس اياسىندا 11 مىڭ شاقىرىم جولدا تولەم الۋ جۇيەسىن ورناتۋ جانە قىزمەت كورسەتۋ جونىندەگى شارتقا قول قويىلدى»، - دەدى كوميتەت ءتوراعاسى ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا.

ونىڭ اتاپ وتۋىنشە، شارت اياسىندا بيىل ۇزىندىعى 5,8 مىڭ شاقىرىمدى قۇرايتىن قايتا جاڭارتۋدان وتكىزىلگەن جول ۋچاسكەلەرىندە تولەم الۋ جۇيەسىن ورناتۋ جوسپارلانىپ وتىر. «كەيىن تەستىلىك رەجيمدە ىسكە قوسىلادى. قالعان 5,2 مىڭ شاقىرىم جولعا قايتا جاڭارتۋ جۇمىستارىنىڭ اياقتالۋىنا بايلانىستى 2024 -جىلعا دەيىن اقى الۋ جۇيەسىن ەنگىزۋ جوسپارلانعان»، - دەدى سايرانبەك بارماقوۆ.

اۆتور: مارلان جيەمباي

سوڭعى جاڭالىقتار