الماتى وبلىسىندا 4 وقۋشىنى قاققان ماس جۇرگىزۋشىگە قاتىستى سوت باستالدى

None
None
تالدىقورعان. قازاقپارات - الماتى وبلىسىندا 4 وقۋشىنى قاققان ماس جۇرگىزۋشىگە قاتىستى سوت باستالدى.

زارداپ شەككەن ەكى قىز بالا اۋرۋحانادا ەسىن جيماستان كوز جۇمعان بولاتىن، - دەپ حابارلايدى قازاقپارات ءتىلشىسى.

ءىس ەڭبەكشىقازاق اۋداندىق سوتىندا قارالۋدا. ءبىراق كۋاگەرلەردىڭ كەلمەۋىنە بايلانىستى پروتسەسس 20- مامىرعا شەگەرىلدى.

ايتا كەتەيىك، كولىكتى ماس كۇيىندە جۇرگىزىپ، وقۋشىلاردى قاققان — ەڭبەكشىقازاق اۋدانىنداعى قورام اۋىلىنىڭ 54 جاستاعى تۇرعىنى.

«كۋاگەرلەردى شاقىرتۋ ءۇشىن ءىس 20- مامىرعا شەگەرىلدى»، - دەپ مالىمدەدى الماتى وبلىستىق سوتىنىڭ باسپا ءسوز قىزمەتىنەن.

ەستەرىڭىزگە سالا كەتەيىك، 2- ناۋرىز كۇنى ەڭبەكشىقازاق اۋدانىنىڭ قورام اۋىلىندا ماس جۇرگىزۋشى ساباقتان قايتىپ كەلە جاتقان 4 وقۋشى قىزدى كولىگىمەن قاعىپ كەتتى.

وقيعا بولعاننان كەيىن وقۋشىنىڭ ءبىرى جارتى ايدان سوڭ، ەكىنشىسى ءبىر ايدان كەيىن جانساقتاۋ بولىمىندە ەسىن جيماستان كوز جۇمدى.

بالالار 8-9 جاستا بولاتىن.


سوڭعى جاڭالىقتار