07:41, 20 - ءساۋىر 2021 | GMT +6
قازاقستاندىق 4 بوكسشى الەم چەمپيوناتىنىڭ جارتىلاي فينالىنا شىقتى
نۇر-سۇلتان. قازاقپارات - پولشادا ءوتىپ جاتقان جاستار اراسىنداعى بوكستان الەم بىرىنشىلىگىندە بىردەن 4 قازاقستاندىق بىلعارى قولعاپ شەبەرى جارتىلاي فينالعا شىقتى، دەپ حابارلايدى Olympic.kz.
49 كەلىگە دەيىنگى سالماقتا سانجار تاشكەنباي وزبەك يبراحيم يشجونوۆتى جەڭدى.
56 كەلىگە دەيىنگى سالماقتا ەربولات سابىر كۋبالىق رەي حورت رودريگەستەن باسىم ءتۇستى.
64 كەلىگە دەيىنگى سالماقتا سابىرجان اققالىقوۆ تاعى ءبىر كۋبالىق ورەن دارين فاۆيەرۋدەن، دياس مولجىگىتوۆ ليتۆالىق الەكساندر تروفيمچۋكتەن ايلاسىن اسىردى.
بۇلاردىڭ ءبارى كەم دەگەندە وسى الەم چەمپيوناتىنىڭ قولا جۇلدەسىن الاتىن مەجەدە تۇر. ال ەندىگى جەكپە-جەكتەن سۇرىنبەي وتسە، بايراقتى باسەكەدەن التىن الىپ قايتادى.