قازاقستاننىڭ 4 وبلىسىندا قانداستاردى بەيىمدەۋ ورتالىقتارى اشىلادى
«2021 -جىلى سولتۇستىك قازاقستان، پاۆلودار، شىعىس قازاقستان جانە قوستاناي وبلىستارىندا بەيىمدەۋ جانە ىقپالداستىرۋ ورتالىقتارىن قۇرۋ ماسەلەسى پىسىقتالۋدا. حقكو مەن بەيىمدەۋ ورتالىقتارىندا قانداستار ماسەلەلەرىنە قاتىستى بارلىق قىزمەتتەر مەملەكەتتىك تىلدە كورسەتىلەتىنىن اتاپ ءوتۋ قاجەت»، - دەدى پرەمەر- مينيستر.
سونىمەن قاتار ونىڭ اتاپ وتۋىنشە، رەسپۋبليكامىزعا كەلەتىن ەتنيكالىق قازاقتار ءۇشىن قولايلى جاعداي جاساۋدى، سونداي- اق وڭىرلەردىڭ الەۋمەتتىك- ەكونوميكالىق دامۋىنىڭ بەلگىلەنگەن كورسەتكىشتەرىن ەسكەرە وتىرىپ، قونىس اۋدارۋشىلاردى جانە قانداستاردى قابىلداۋدىڭ وڭىرلىك كۆوتالارىن قالىپتاستىرۋدى كوزدەيتىن كوشى- قون ساياساتىنىڭ 2022-2026 -جىلدارعا ارنالعان تۇجىرىمداماسىنىڭ جوباسى ازىرلەنىپ جاتىر.
«ەلدەگى كوشى- قون جانە دەموگرافيالىق پروتسەستەرىن تۇراقتاندىرۋ، سونداياق قانداستار قۇقىقتارىن ساقتاۋ ماسەلەلەرى ۇكىمەتتىڭ تۇراقتى باقىلاۋىندا»، - دەدى اسقار مامين.
اۆتور: مارلان جيەمباي