الماتى وبلىسىندا ماس جۇرگىزۋشى 4 وقۋشى قىزدى قاعىپ كەتتى

ءارتۇرلى دەنە جاراقاتتارىن العان ءۇش بالا اۋرۋحاناعا جاتقىزىلدى، دەپ حابارلايدى قازاقپارات ءتىلشىسى.

«وقيعا 2-ناۋرىزدا ساعات 18:40-تا ەڭبەكشى قازاق اۋدانىندا بولعان. «ۋاز» اۆتوكولىگى ارزيەۆ كوشەسىمەن سولتۇستىك باعىتتا كەلە جاتىپ، جول جيەگىندە تۇرعان ەكى 8 جاستاعى جانە ەكى 9 جاستاعى قىزداردى قاعىپ كەتتى. الماتى وبلىسىنىڭ پوليتسيا دەپارتامەنتى كولىكتى باسقارعان ەڭبەكشى قازاق اۋدانى كورام اۋىلىنىڭ 54 جاستاعى تۇرعىنىن ۇستادى. ول كولىكتى ماس كۇيىندە جۇرگىزگەن»، - دەدى پوليتسيا دەپارتامەنتىنىڭ باسپا ءسوز قىزمەتى.

جاراقات العان ءۇش بالا شەلەك اۋداندىق اۋرۋحاناسىنا جاتقىزىلدى. جۇرگىزۋشى مەديتسينالىق ايىقتىرۋ پۋنكتىنە ورنالاستىرىلدى. قازىرگى ۋاقىتتا جول-كولىك وقيعاسىنا سايكەس ق ر ق ك 345-1 بابى، 2-ءبولىمى بويىنشا سوتقا دەيىنگى تەرگەۋ ءىسى باستالدى. ءتيىستى ساراپتامالار تاعايىندالدى.