تالدىقورعاندا گاز باللونى جارىلىسىنان كۇيىپ قالعان 4 ادامنىڭ جاعدايى اۋىر

None
None
تالدىقورعان. قازاقپارات - تالدىقورعان قالاسىنا قاراستى ەركىن اۋىلىندا گاز باللونى جارىلىپ، وقيعادان زارداپ شەككەن ءتورت ادامنىڭ جاعدايى وتە اۋىر.

14 جاسار بالانىڭ دەنەسىنىڭ %98 كۇيىپ قالعان، دەپ حابارلايدى قازاقپارات ءتىلشىسى.

«تالدىقورعان قالالىق كوپسالالى اۋرۋحانانىڭ جانساقتاۋ بولىمىندە جاتقان 4 ناۋقاستىڭ جاعدايى وتە اۋىر. 2006 -جىلعى بالانىڭ دەنەسى %98، 1972 -جىلى تۋعان تۇرعىننىڭ دەنەسى %82، 1973 -جىلعى ناۋقاستىكى %50 جانە 70 جاستاعى تۇرعىننىڭ دەنەسىنىڭ 55 پايىزىن كۇيىك شالعان»، - دەدى الماتى وبلىستىق دەنساۋلىق ساقتاۋ باسقارماسى باسپا ءسوز قىزمەتىنىڭ حاتشىسى ءلايلىم اۋباكىروۆا.

سونداي-اق رەسمي وكىلدىڭ مالىمەتىنشە، وبلىستىق بالالار اۋرۋحاناسىنا 2010 جانە 2012 جىلى تۋعان ناۋقاستار جەتكىزىلگەن. ولاردىڭ بەتى، موينى، دەنەسى كۇيگەن. جاعدايلارى ءبىرقالىپتى. سونىمەن قاتار، وبلىستىق اۋرۋحانادا جاتقان 1967 جانە 1969 -جىلى تۋعان ناۋقاستار دا گاز باللونىنىڭ جارىلىسىنان زارداپ شەككەن. ولاردىڭ جاعدايى اۋىر.

ەستەرىڭىزگە سالا كەتەيىك، بۇعان دەيىن تالدىقورعانعا قاراستى ەركىن اۋىلىندا گاز باللون جارىلىپ، 8 ادامنىڭ زارداپ شەككەنىن حابارلاعان بولاتىنبىز.

سوڭعى جاڭالىقتار