قىزىلوردا وبلىسىندا 4 جاستاعى ءسابي كوروناۆيرۋس جۇقتىردى

None
None
قىزىلوردا. قازاقپارات - قىزىلوردا وبلىسىندا 4 جاستاعى ءسابي كوروناۆيرۋس جۇقتىردى، دەپ حابارلايدى قازاقپارات ءتىلشىسى.

سوڭعى تاۋلىكتە قىزىلوردا وبلىسىندا كوروناۆيرۋس ينفەكسياسىن جۇقتىرعان 31 ادام تىركەلدى.

ولاردىڭ 11 ى - قىزىلوردا قالاسىندا تۇرسا، 17 ى - ارال، 3 ى جاڭاقورعان اۋداندارىنىڭ تۇرعىندارى.

«ولاردىڭ اراسىندا ەڭ ۇلكەنى -1939 -جىلعى ايەل بولسا، ەڭ كىشىسى - 2016 -جىلى تۋعان قىز بالا. پتر ءاناليزى 28 ادامنان اۋرۋ جۇقتىرعان ناۋقاسپەن قارىم- قاتىناستا بولۋىنا بايلانىستى الىنعان. ال 2 ادامنان ق ر باس مەملەكەتتىك سانيتارلىق دارىگەرىنىڭ قاۋلىسىنا سايكەس سكرينينگتەۋ كەزىندە تابىلسا، 1 ادامنان اتىراۋ قالاسىنان كەلۋىنە بايلانىستى تەكسەرۋدەن وتكىزىلدى. زەرتتەۋ قورىتىندىسى ناۋقاستاردىڭ كوروناۆيرۋس ينفەكتسياسىن جۇقتىرعانىن كورسەتتى. قازىرگى تاڭدا پاتسيەنتتەر اۋرۋحاناعا وقشاۋلاندىرىلىپ، حاتتاماعا سايكەس ەم قابىلداپ جاتىر. اۋرۋ وشاقتارىندا ماماندار ىندەتكە قارسى ءىس-شارالار ۇيىمداستىرىپ، قارىم-قاتىناستا بولعاندار انىقتالۋدا»، - دەپ ءمالىم ەتتى قىزىلوردا وبلىستىق تاۋارلار، قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ باسپا ءسوز قىزمەتى.

قازىر قىزىلوردا وبلىسىندا كوروناۆيرۋس ينفەكتسياسىن جۇقتىرعان 402 ادام تىركەلگەن.

ولاردىڭ اراسىنان 245 ادام سىرقاتىنان جازىلىپ شىقتى.

سونداي-اق، بۇگىننەن باستاپ قىزىلوردا وبلىسىندا كارانتين تالاپتارى جەڭىلدەتىلدى.

سوڭعى جاڭالىقتار