ەلوردادا زاڭسىز سالىنعان 4 قاباتتى عيمارات بۇزىلۋدا

None
None
نۇر- سۇلتان. قازاقپارات - ەلوردادا زاڭسىز تۇرعىزىلعان عيماراتتاردى ءسۇرۋ جۇمىستارى جۇرگىزىلىپ جاتىر، دەپ حابارلايدى قازاقپارات ءتىلشىسى.

«زاڭسىز سالىنعان عيماراتتاردى ءسۇرۋ جۇمىسى شۇبار تۇرعىن ءۇي الابىنداعى قۇلىندى كوشەسىندەگى 3 عيماراتتان باستالدى. عيمارات يەسى بىرنەشە سوتتىڭ شەشىمىمەن حاباردار بولدى، ءبىراق سوت شەشىمىن ورىندامادى. قازىرگى ۋاقىتتا عيماراتتى ءسۇرۋ جۇمىستارى ءجۇرىپ جاتىر. جۇمىس الداعى 1 اي بويى جالعاسادى. بۇل دەگەنىمىز نۇر- سۇلتان قالاسىندا زاڭسىز سالىنعان عيماتتار قيراتىلادى دەگەن ءسوز» ، - دەدى نۇر- سۇلتان قالاسى ورتا ساپاسى جانە باقىلاۋ باسقارماسىنىڭ باسشىسى تولەگەن قۇلىشيەۆ.

باسقارماسىنىڭ سوزىنە سەنسەك، بۇعان دەيىن اتالعان عيمارات يەسىنە قۇرىلىستى قايتا جوسپارلاۋ كەرەكتىگى ەسكەرتىلگەن.

«2017 -جىلدىڭ 20 - ماۋسىمدا اتالعان عيمارات يەسىنە فۋنكتسيونالدى ماقساتىن وزگەرتپەي، تۇرعىن ءۇيدى قايتا قۇرۋ تۋرالى شەشىم قابىلداندى. الايدا، عيمارات يەسى ساۋلەت، قالا قۇرىلىسى جانە قۇرىلىس قىزمەتى سالاسىنداعى ستاندارتتاردى ەسكەرمەي، قولدانىستاعى تۇرعىن ءۇيدى بۇزىپ، ءوز ەركىمەن ءتورت قاباتتى جاڭا ءۇيدىڭ قۇرىلىسىن باستادى. بۇل ارەكەتى ءۇشىن اكىمشىلىك جاۋاپكەرشىلىككە تارتىلىپ، انىقتالعان ەسكەرتۋلەردى جويۋ تۋرالى بۇيرىق شىعارىلدى» ، - دەيدى ول.

سوڭعى جاڭالىقتار