19:16, 16 - قىركۇيەك 2021 | GMT +6
فرانسيادا 49 جولاۋشى مىنگەن اۆتوبۋس اپاتقا ۇشىرادى
نۇر-سۇلتان. قازاقپارات - فرانسيانىڭ مايەن دەپارتامەنتىندەگى شانجە كوممۋناسىندا 49 جولاۋشى، سونىڭ ىشىندە كوللەدج ستۋدەنتتەرى مىنگەن اۆتوبۋس جولدان شىعىپ كەتىپ، 20 ادام ءتۇرلى جاراقات الدى.
بۇل تۋرالى بەيسەنبىدە BFM تەلەارناسى ءمالىم ەتتى، دەپ حابارلايدى قازاقپارات.
دەپارتامەنتتىڭ پرەفەكتۋراسى جول اپاتىندا باسقا كولىك قۇرالدارى زاقىمدالماعانىن راستادى.
اۆتوبۋس جولدىڭ شەتىندە اۋدارىلىپ قالعان. اۆتوبۋس جۇرگىزۋشىسى وقيعا ورنىنا كەلگەن تەرگەۋشىلەرگە ءوزىن جامان سەزىنگەنىن ايتقان.
پوليتسەيلەر ەكى زارداپ شەگۋشىنىڭ اۋىر حالدە جاتقانىن حابارلادى.
France Bleu راديوستانساسىنىڭ مالىمەتىنشە، قۇتقارۋشىلار ەكى جاراقاتتانۋشىنى لاۆال قالاسىنداعى گوسپيتالگە جەتكىزگەن.