وتكەن جىلى قازاقستاندا 48 ءسۇت فەرماسى ىسكە قوسىلدى

None
None
نۇر- سۇلتان. قازاقپارات - ەلىمىزدە جىل سايىن 35 ونەركاسىپتىك تاۋارلى ءسۇت فەرماسى ىسكە قوسىلادى.

بۇل تۋرالى ورتالىق كوممۋنيكاتسيالار قىزمەتىندە وتكەن بريفينگتە ق ر اشم ستراتەگيالىق جوسپارلاۋ جانە تالداۋ دەپارتامەنتىنىڭ باسشىسى ساۋلە مولدابايەۆا ايتتى، دەپ حابارلايدى قازاقپارات.

وتكەن جىلى اۋىل شارۋاشىلىعىنىڭ يمپورتتىق ونىمدەرىن الماستىرۋ جوسپارى بويىنشا قازاقستاندا 48 تاۋارلى ءسۇت فەرماسى، 3 ەت كومبيناتى، ەت باعىتىنداعى 8 قۇس فابريكاسى، بالىق وندىرەتىن 3 فەرما ىسكە قوسىلعان. 1800 گەكتار جەرگە قارقىندى الما باقتارى وتىرعىزىلدى.

«2024 -جىلعا دەيىن جامبىل وبلىسىندا 19 ەت وندىرەتىن قۇس فابريكاسىن، 9 ەت وڭدەۋ كاسىپورنىن، 8 تاۋارلى بالىق ءوسىرۋ جوباسىن، سونداي- اق جاڭا قانت زاۋىتىن ىسكە قوسۋ جوسپارلانۋدا. بۇدان بولەك، جىل سايىن 35 ونەركاسىپتىك تاۋارلى ءسۇت فەرماسى ىسكە قوسىلىپ، 2 مىڭ قارقىندى باق سالىنادى»، - دەيدى اۋىل شارۋاشىلىعى مينيسترلىگى ستراتەگيالىق جوسپارلاۋ جانە تالداۋ دەپارتامەنتىنىڭ باسشىسى ساۋلە مولدابايەۆا.

ونىڭ ايتۋىنشا، مينيسترلىك جۇرگىزىپ جاتقان جۇمىس 2023 -جىلدىڭ سوڭىنا قاراي يمپورتقا تاۋەلدىلىك ماسەلەسىن شەشۋگە جانە ەلدىڭ ازىق- تۇلىك تاۋەلسىزدىگىن قامتاماسىز ەتۋگە مۇمكىندىك بەرەدى.

سوڭعى جاڭالىقتار