تەحاس شتاتىندا يەن قالعان جۇك كولىگىنەن 46 ادامنىڭ ءمايىتى تابىلدى

None
None
تەحاس. قازاقپارات – ا ق ش- تىڭ تەحاس شتاتىنداعى سان- انتونيو قالاسىنىڭ شەتىندە قاراۋسىز قالعان جۇك كولىگىنەن 46 ادامنىڭ دەنەسى تابىلدى، دەپ حابارلايدى قازاقپارات BBC News ارناسىنا سىلتەمە جاساپ.

كولىكتى ءبىرىنشى بولىپ وقيعا ورنىنا شاقىرتۋ بويىنشا جەتكەن جەدەل ارەكەت ەتۋ قىزمەتكەرلەرى انىقتاعان. جۇك كولىگىنىڭ تىركەمەسىندە ادامداردىڭ ءولى دەنەلەرى جاتقان. ولاردىڭ بارلىعى ىستىقتان نەمەسە شولدەن قايتىس بولعان. دۇيسەنبى كۇنى سان-انتونيوداعى اۋانىڭ تەمپەراتۋراسى 39,4 س- قا جەتكەن ەدى.

ءورت ءسوندىرۋ قىزمەتى وكىلىنىڭ ايتۋىنشا، 16 ادام، ونىڭ ىشىندە ءتورت بالا اۋرۋحاناعا جەتكىزىلدى. امان قالعاندار اپتاپ ىستىقتان جانە قاتتى السىرەۋدەن زارداپ شەكتى. جۇرگىزۋشى تاستاپ كەتكەن جۇك كولىگىندە كونديتسيونەر دە، اۋىز سۋ دا بولماعان. تەرگەۋ ناتيجەسىندە ءۇش ادام ۇستالىپ، قاماۋعا الىندى. ا ق ش- مەكسيكا شەكاراسىنان 250 شاقىرىم جەردە ورنالاسقان سان- انتونيو قالاسى – ا ق ش-قا زاڭسىز ميگرانتتاردى تاسىمالداۋ ءۇشىن جۇك كولىكتەرىن ءجيى پايدالاناتىن ادام كونترابانداشىلارى ءۇشىن نەگىزگى ترانزيتتىك جول.

مامىر ايىندا ا ق ش- تىڭ كەدەن جانە شەكارا قورعاۋ قىزمەتى وڭتۇستىك- باتىس قۇرلىق شەكاراسىندا 239416 زاڭسىز ميگرانتتى انىقتاعان. بۇل - 2000 -جىلدان بەرگى ەڭ جوعارى كورسەتكىش.

سوڭعى جاڭالىقتار