الماتىدا كوروناۆيرۋسقا قاتىستى 45 مىڭ تەست وتكىزىلدى

الماتىدا COVID-19 تەست الاتىن التى ءىرى زەرتحانا بار. ولار ۇلتتىق ساراپتاما ورتالىعى، سانيتارلىق-ەپيدەميولوگيالىق ساراپتاما جانە مونيتورينگ عىلىمي-پراكتيكالىق ورتالىعى، م. ايقىمبايەۆ اتىنداعى قازاق اسا قاۋىپتى ينفەكتسيالار ۇلتتىق عىلىمي ورتالىعى، ورتالىق رەفەرەنس-زەرتحانا، سونداي-اق قازاقستان-كورەي كلينيكاسى مەن «وليمپ» ك د ز. كەڭەس بارىسىندا، قالا اكىمىنىڭ ورىنباسارى زەرتتەۋ ماتەريالىن الۋمەن اينالىساتىن مەديتسينالىق بريگادالاردىڭ ەڭبەك قاۋىپسىزدىگىن قامتاماسىز ەتۋ كەرەكتىگىن ەرەكشە اتاپ ءوتتى.

سونىمەن بىرگە، تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتى جانە زەرتحانالاردىڭ اقپاراتتىق جۇيەلەر ينتەگراتسياسى اراسىندا جۇمىستى ءوزارا ۇيلەستىرۋدى كۇشەيتۋ مىندەتتەرىن بەلگىلەدى.

بۇدان وزگە مەگاپوليس تۇرعىندارى ءۇشىن تەستىلەۋدىڭ قولجەتىمدىلىگىن، كورسەتىلەتىن قىزمەتتەردىڭ ساپاسى مەن جەدەلدىگىن، ونىڭ ىشىندە ناتيجەلەردى ۇسىنۋ ءتارتىبى مەن مەرزىمدەرىن ودان ءارى ارتتىرۋ ماسەلەلەرى تالقىلاندى.

«ءبىزدىڭ مىندەتىمىز - تەستىلەۋ ارقىلى ينفەكتسيانىڭ جاسىرىن وشاقتارىن جەدەل جانە دەر كەزىندە انىقتاۋ، ولاردى ۋاقىتىلى وقشاۋلاپ، قالاداعى ەپيدەميولوگيالىق احۋالدىڭ جاعدايىن ودان ءارى باقىلاۋدى قامتاماسىز ەتۋ»، - دەدى ەرجان باباقۇماروۆ. سونداي-اق، ول مەملەكەتتىك جانە مەملەكەتتىك ەمەس زەرتحانالارعا قالامەن بىرلەسىپ جاساپ جاتقان جۇمىستارى ءۇشىن العىسىن ءبىلدىردى.

بۇگىندە الماتىدا شامامەن 45 مىڭ تەست وتكىزىلدى. سولاردىڭ ىشىندە 29 مىڭى پ ت ر تەست جانە 16 مىڭى ەكپرەسس-تەست.