باتىس قازاقستاندا ءبىر اپتادا 458 ادامنان كوروناۆيرۋس انىقتالدى

ب ق و دەنساۋلىق ساقتاۋ باسقارماسىنىڭ باسپا ءسوز قىزمەتى ءمالىم ەتكەنىندەي، سوڭعى تاۋلىكتە 89 ادامنىڭ ىندەت جۇقتىرعانى بەلگىلى بولدى. وڭىردە وسى كەزگە دەيىن 10393 ادام سىرقاتتانسا، سونىڭ 8803 ءى جازىلىپ شىقتى. 183 ادام كوز جۇمدى. پنيەۆمونياعا شالدىققان 254 ادام ستاتسيونارلىق، 53 ءى امبۋلاتورلىق ەم قابىلدادى. بۇل دەرتتەن 264 ادام ومىردەن وزدى. قازىرگى كەزدە ينۆازيۆتى ەمەس جاساندى تىنىس الۋ اپپاراتىنا 4، وتتەگى كونتسەنتراتورىنا 17، ورتالىقتاندىرىلعان وتتەگى كوزىنە 59 ادام قوسىلعان.

جۇقپالى اۋرۋلار ستاتسيونارلارىندا 285 ادام ەمدەلۋدە. كارانتيندىك ستاتسيوناردا 32، جانساقتاۋ بولىمىندە 19 ادام جاتىر. قاڭتاردا كوروناۆيرۋس جۇقتىرعان بالالار سانى 89 عا جەتتى. قاراشىعاناق كەنىشىندەگى «ق پ و ب. ۆ.» كومپانياسىندا جۇمىس ىستەيتىندەر اراسىنان وسى ايدا 22 ادامنان ىندەت تابىلدى.

ال چيناريەۆ كەنىشىندەگى «جايىق مۇناي» ج ش س- دا 11 ادام اۋىرعان. وبلىستا 13 زەرتحانا بار. سوڭعى تاۋلىكتە 1931 زەرتتەۋ جۇرگىزىلدى. تاۋلىك بويى ءۇش اۋىسىمدا جۇمىس ىستەپ جاتقان CALL ورتالىعىنا سوڭعى اپتادا (18-24- قاڭتار) 2935 قوڭىراۋ شالىنسا، سونىڭ 290 ى كوروناۆيرۋسقا قاتىستى بولدى. سوڭعى تاۋلىكتە 100 قوڭىراۋ (25 ءى ىندەتكە بايلانىستى) قابىلداندى.

ەسكە سالا كەتەيىك، بۇدان بۇرىن ب ق و- دا كوروناۆيرۋسقا قارسى 180 مىڭنان استام ادامدى ەگۋ جوسپارلانىپ وتىرعانىن جازعان بولاتىنبىز.